الأربعاء، 28 يوليو 2010

معلومات تهمك

علاقات حسابية
************ ********* ********
 
رجل ذكي      +      امرأة ذكية      =      حب ..

رجل ذكي      +      امرأة غبية      =      علاقة .

رجل غبي      +      امرأة ذكية      =      زواج .

رجل غبي      +      امرأة غبية      =     حمل.

 
************ ********* ********* ****

رياضيات مكتبيّة

مدير ذكي      +      موظف ذكي    =      ربح .

مدير ذكي      +      موظف غبي    =      إنتاج .

مدير غبي      +      موظف ذكي    =      ترقية .

مدير غبي      +      موظف غبي    =      وقت إضافي .

 
************ ********* ********* *
رياضيات التسوّق
الرجل يدفع (200 $) ثمناً لشيء يحتاجه ، سعره (100 $) ..
المرأة تدفع (100 $) ثمناً لشيء لا تحتاجه ، سعره (200 $) .

************ ********* ********* ******
معادلات وثوابت عامة
المرأة تظل قلقة بشأن المستقبل حتى تتزوج ..
الرجل لا يقلق بشأن المستقبل أبداً حتى يتزوج ....
الرجل الناجح هو الذي يستطيع تأمين مال أكثر مما تستطيع زوجته أن تنفق
المرأة الناجحة هي التي تستطيع إيجاد مثل هذا الرجل ...
لكي تكوني سعيدة مع الرجل ، عليك أن تفهميه جيداً وتحبيه قليلاً
لكي تكون سعيداً مع المرأة ، عليك أن تحبها كثيراً وألا تحاول أن تفهمها على الإطلاق ..
************ ********* ********* ****
طول العمر
الرجال المتزوجون يعيشون أكثر من العازبين . لكنهم أكثر رغبة بالموت
المرأة تتزوج رجلاً متوقعة أنه سيتغير .. لكنه لا يتغير .
الرجل يتزوج امرأة متوقعاً أنها لن تتغير .. لكنها تتغير .

************ ********* ********

فنّ المناقشة

المرأة لها دائماً الكلمة الأخيرة في أي جدال ....
أي شيء يقوله الرجل بعد ذلك هو بداية لجدال جديد

يعني أيه مصر زيرو !!!!

يعنى يقولك ان من اهم انجازات عصر ما بعد الثورة هى مجانية التعليم.....و اى اسرة فى مصر بتبيع اللى وراها و اللى قدامها علشان الدروس الخصوصية!!!!


يعنى ابويا يسافر و يتغرب و يوفر شقة لولاده من فلوسه محدش دفع له فيها حاجة....... و ييجى بطرس غالى يفرض عليها ضريبة عقارية.!!!!!!!!

يعنى حسنى مبارك يعمل سور لقتل اطفال غزه  ..... ويطلع واحد يقولك البرادعى عميل لاسرائيل !!!

يعنى وزير مالية عمل قانون الضرائب العقارية وقال هيدفع عن القصور بتاعته ....... وبعدين يطلع يتعالج على نفقة الدولة


يعنى وزير صحة شريك فى كبرى مستشفيات البلد )دار الفؤاد) و مراته تتعالج على نفقة الدولة


يعنى ناس غلابة و مش لاقيين الزلط حتى ... وعضو مجلس الشعب يطلب منهم ثلث قيمة قرار العلاج على نفقة الدولة رشوة عشان يتعالجوا على نفقة الدولة

يعني نزود و نمد الغاز لإسرائيل مدعم لعشرين سنه جايه و المصريين مش لاقيين أنبوبه بوتاجاز

يعني وزير الإسكان يبقي سمسار اراضي !

ووزير التعليم يبقي بلطجي قديم !

ووزير الصحه بيتعالج علي نفقة الدوله !

يعنى جمال مبارك يسرق فلوسنا وارضنا ويوزعها على اصحابه ...... و ييجى واحد يقولك اللى تعرفو احسن من اللى ما تعرفوش


يعنى تبقى واثق أيام اختيار الدولة المضيفة لكأس العالم 2010 ان مصر هاتخدها هاتخدها لإنعدام الامن فى جنوب أفريقيا و عدم و جود بنية تحتية فى المغرب و فجاة تاخد صفر كبييير من لجنة الفيفا


يعنى يطلع واحد فى التلفزيون يقولك آه البرادعى ...عارفه عارفه دا حمدى غيث بتاع انا البرادعى يا رشدى.........


و يبقى تامر حسنى و شعر صدره من علامات الرجولة و لا حول و لا قوة الإ بالله


يعنى يبقى عندك ثلث آثار العالم فى مدينة واحدة بالأقصر و تلاقى دولة زى تونس عدد السائحين فيها اكتر من عندك

يعني تترشح في الانتخابات عن فئة (العمال) وتنجح فتعيش عيشة (الملوك(


يعني الحكومة تمنع التدخين جوه القطار علشان تحافظ علي أرواح الناس ....  ويروح القطار بكل اللي فيه مخيش في قطار تاني.

يعنى تبقى الدول العربيه اللى مكانش حد يسمع عنها زى دبى وقطر والبحرين كلها نظام ونضافه------ وحنا اللى كنا بنعلمهم من 30 سنه الزبالة وعدم النظام في كل مكان ورئيس الوزراء بيقول ان وجود الزبالة بالكثرة دي بيدل على الغنى الي عايش فيه الشعب المصري

يعني تبقي نسبة التحرش الجنسي بالفتيات في الشارع المصري والمواصلات العامة اكتر من 80% .....والحكومة تطالب بخلع النقاب !!!!

يعني لما الشعب ما يلاقيش سكن ويروح يسكن في الجبل ويقع عليه يقولوا عشوائيات

يعني لما الناس تتغرب ولما تيجي ترجع تركب عبارة تعدي بيها البحر والعبارة تغرق وحوالي 1500 واحد يموتوا .... يطلع التحقيق انهم ماتوا بنزلة برد عشان لما غرقوا ماكانوش عاملين حسابهم وماتقلوش هدومهم

يعنى قناة ال BBC فيها مذيعات محجبات... و تلفزيون بلد الأزهر بيمنع ظهور المذيعات المحجبات!!!!!!!!!!!

يعني مصانع الحديد كانت بتبيع الطن ب2000 جنية وييجي بقدرة قادر احمد عز محتكر الحديد يبيعه ب8000 جنية ........ تيجي الحكومة تعمل له قانون تفصيل مخصوص ليه عشان تحميه من بطش الناس

يعني يبقي اليهود نهبوا فلوس العالم عشان الهولوكوست الوهمي ...ويتباهو بقتل اسرانا في تليفزيونهم ومحدش يقولهم حاجه !

يعني يعملوا قانون ضرائب جديد على العقارات ....... والشعب الي مش ناوي يدفع يموت نفسه عشان يجيب الاقرار ويتباع في السوق السودا كمان

لما وزير التربية والتعليم المسئول عن تخريب الثانوية العامة وتعديلها اكتر من مرة خلال 4 سنوات والغاء سنة 6 من الابتدائي ..... يكون رئيس مجلس الشعب وممكن رئيس جمهورية كمان في حالة وفاة الرئيس

يعني قطارين بيخيشوا في بعض .... واللي يتحاسب الكومسري وفي مقولة اخرى البقرة الي كانت واقفة على القضبان

يعنى تروح مستشفى حكومى وتجيب كل حاجة على حسابك(قطن وشاش وأدوية ) ناقص كمان دكاترة وممرضين ووزير المالية وزوجة وزير الصحة بيتعالجوا بالملايين على نفقة الدولة

يعني تبقي عندك بحرين و نيل قناة السويس و11 بحيره وبتستورد السمك من بره !

يعني يتحرق مجلس الشورى .... والشعب يدعي ربنا ان النواب يكونوا جواه

لما الاعلام الحكومي والخاص مش همه الشعب الي مش لاقي ياكل ولا يلبس ولا يسكن وطبعا بدون عمل ...... وهمه كله يعرف مين قتل سوزان تميم والمحكمة هتحكم بايه في قضية مرتضى منصور وشوبير !!!

لما الدايرة الي فيها 2500 صوت ..... مرشح الحزب الوطني ياخد لواحده 13000 صوت

يعنى لما يكون المزارع مش عارف يزرع ارضه بالقمح علشان نحتاج امريكا ------------ ولما يزرعه ياخدوه ارخص من المستورد 3 مرات

لما يمنعونا من زراعة القطن الي بنتميز بيه وبعد كده يروحوا يبيعوا مصانع الغزل والنسيج لمستثمرين يهود يسرحوا العمالة ويقطعوا الشركات ويبيعوها اراضي على النيل

"يعني كلنا خايفين علي مستقبل مصر واللي ماسكينها خايفين علي مستقبلهم هما"

لما يكون الملاك فى الرحاب بتدفع 12 جنيه على المتر مسطح بدل فرق الصيانه ---------- يقوم الباشا هشام طلعت يدى سوزان 50 مليون من جيب امه

يعنى لما تكون اقصى سرعه للسيارة 20 كيلو فى الساعه علشان الطرق متنيله بستين نيله والبلاعات طالعه فى وسط الشوارع واحيانا مفتوحه -------- يطلعوا لنا بقانون حزام الامان وصندوق الطبى علشان ابو مراة الننوس يبيع ويغتنى من دمنا

لما الموظف فى الحكومة بياخد اد مرتبه 500 مرتب رشاوي و يقولك مش عارف يعيش علشان الزيادة السكانية!!!!

لما يكون عندنا مجلس قومى للمرأة و اعلى معدلات طلاق فى الوطن العربى!!!!

لما يكون عندنا مجلس قومى لحقوق الانسان و اعلى معدلات اعتقالات و تعذيب فى اقسام الشرطة.....

لما وزير الاسكان الحرامى يبيع ملايين الامتار ببلاش للمستثمرين مخالفة لقوانين الدوله ------------ ويبيعوا لنا المتر ب 3000 جنيه فى القاهره الجديده

و لما وزير الاسكان يقول لو مخصصتش الآراضى للعائلة أمال هخصص لمين ,,,يبقى اللى اختشوا ماتوا!!!!

و لما بيصرفوا ملايين الجنيهات على المهرجانات و المؤتمرات كل سنة و اول ما يحصل كارثة - كالزلزال او السيول – يقول للشعب اتبرع للضحايا!!!!!

لما طلعت السادات قال بقين على الهوا تترفع عنه الحصانة و يتسجن فى اقل من شهر... و ممدوح اسماعيل صاحب العبارة يسافر من صالة كبار الزوار!!!!!

يعنى تيجى تشترى شقه فى اسكان مبارك لمحدودى الدخل تحسبها تلاقيها واقفه عليك بسعر السوبر لوكس
لما الرئيس يحتفل بليلة القدر و يوزع جوائز على حفظة القرآن الكريم.... و لما الاخوان ييجوا يعملوا حاجة ايجابية - زى مشاريع خيرية او حتى يوزعوا شنط رمضان - يعتقلوهم و يقولوا لا للدولة الدينية
!!!!!!

و لما تتهد على اهلها يطلعوا يقولوا هم اللى غلط دول عشوائيات.... و كنتى فين يا حكومة على رأى معتز الدمرداش؟؟؟؟!!!!!!

و لما يعملوا قانون مرور جديد..... و ضحايا حوادث الطرق سنويا اعلى من نسبة اللى ماتوا فى حرب اكتوبر!!!!


يعنى بلد زيرو
و غاز زيرو
و مرتبات زيرو
و ضمير زيرو
تنمية زيرو
و انتخابات زيرو
و صحة زيرو

السبت، 24 يوليو 2010

حوار مع مواطن مصري

# يقال إن 87%من الشعب المصرى ساخطون على الحكومة المصرية - ما تعليقك؟
- الـ13% الباقيين أكيد معاهم جنسيات أخرى. 
 
# هل لك أقارب استشهدوا فى الحرب؟
- لأ.. عندى أقارب استشهدوا فى السلام.. "السلام 98" طبعاً.
 
# ما وجه الشبه بين السد العالى وأمن الدولــة؟
- الإثنان مصدر "للكهرباء"!!!
 
# لماذا يطلق المصريون على زوجاتهم لقب "الحكومة"؟
- لصعوبة تغييرها مهما تسببت فى كوارث.
 
# أين يمكنك أن تلاحظ سوء نية المصريين؟
- عندما يغنون للطفل البريء بمنتهى الخبث قائلين.. "يا رب يا ربنا - تكبر وتبقى زينا".
 
# إمتى بتحس إن البلد حلوة؟
- ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!
 
# تقرير: 60% من الرجال المصريين بـ"يشَخَّروا" وهم نائمون.. ما تعليقك؟
- الـ40% الباقيين بـ"يشخُروا" وهما صاحيين.
 
# ما الفرق الأهم بين مصر وأمريكا؟
- الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.
 
# ما أهم قاعدة موجودة في مصر؟
- إن مفيش قاعدة لأى حاجة..
 
# بماذا ستجيب كمصرى عند سؤالك عن عمرك فيما أفنيته بعد عمر طويل؟
- أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.
 
# من المستفيد من الزحام الذى يسيطر على شوارع القاهرة؟
- شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.
 
# ما الفرق بين الزوجة المصرية والزوجة اللبنانية؟
- 40 كيلو جرام.

الأربعاء، 21 يوليو 2010

السذاجــــــة

كلنا يسمع بهذه الكلمة وكلنا مرت عليه أفعال كلها سذاجة وكلنا يسمع هذه الفتاة ساذجة لحد كبير لا يعقل ولكن ما هى السذاجة بنظركم وما أسبابها ولما تكون الفتاة ساذجة

فتاة لا تعرف كيف تتصرف فى أمور كثيرة فى حياتها تأخذ الأمور بكل بساطة تمزح تمرح تتكلم كثيراً ولا تقدر على ربط زمام الأمور أبداً ولا يوجد عندها
حل وسط لأى مشكلة تصادفها فى حياتها أبداً حتى لو كانت المشكلة هينة وبسيطة

فتاة دائمة الوقوع فى المشاكل لكثرة كلامها أحياناً تقع فى مشكلة تافهة وهى فى غنى عنها ولكن سذاجتها للأسف تمنعها من وجود سبيل للخروج
من مشاكلها .
الفتاة الساذجة أو الشاب الساذج سذاجته تجعل من حوله يحركه كيفما يشاء وكأنه جسمٌ آلى يعمل بالريمونت كنترول ويعاملونه على أنهم يعرفون كل شىء عنه فيقع فى قفصهم المزيف وينخدع فى أقنعتهم الزائفة

هناك أسباب عدة لسذاجة الفتاة أو الشاب
لو نظرنا حولنا وبحثنا فى حياة فتاة ساذجة سنجد أن وراء سذاجتها أمٌ جاهلة لا تعرف كيف تعامل إبنتها ولا تعرف كيف تعلمها أساليب الحياة فى هذا الزمن سنرى أن هذه الفتاة ترعرعت فى أحضان أم جاهلة وجهلٌ عن جهلٌ يختلف ليس الجهل هنا جهلُ العلم بل جهلٌ فى الحياة فتصبح هذه الفتاة ضحية للسذاجة التى تربت وترعرعت عليها منذ صغرها لم تجد أماً تعلمها كيف تكون الحياة
وكيف ممكن لها أن تتعامل مع من تقابلهم فى حياتها
 
أحياناً الأم تكون مثقفة ومتعلمة ولكنها تنشغل عن تربية إبنتها فى أشياء تافهة والأمثال كثيرة منها حديثها الطويل على الهاتف … مشاهدة التلفاز لأوقات طويلة تاركة كل ما وراءها من أجلِ مسلسلٍ تافه لا يحمل فى طياته شىءٌ مفيد … جلوسها وزياراتها المستمرة مع الجارات وطول الحديث على هذه وتلك تقضية معظم وقتها فى التسوق ومظمه الآخر فى أشياء تافهة والجزء الأخير فى العمل لو كانت تعمل .
وتترك البنت تحيا وتعاصر الحياة وحدها وتتعلم من أمها أساليب ليس لها من الضرورة شىء فى حياتها وتتعلم كل التصرفات التافهة فتصبح من حاملى السذاجة ولا تعرف إلا كثرة الحديث مع هذه وتلك والمزاح مع هذه وتلك ولا تكترث لأى شىء فى الحياة ولا لأى أحد فتكون فى خارج البيت ساذجة متطفلة وحيدة ممكن لها أن تقع فى شباك المحتالين والخداعين من حولها

هناك من يظن ويقول أن السذاجة نابعة عن طيبة قلب وهناك من يقول أنها نابعة عن خفة عقل وجهل
وأحياناً إعطاء الأوامر الكثيرة التى ليس لها معنى
للشاب من قبل والده أو والدته يسبب له سذاجة
وبنفس الشىء للبنت 
معظمنا ممكن له أن يقابل هذا الصنف من البنات أو الشباب ولكن من منا ممكن أن يتجرأ ويحاول نصح أو تعليم هذه البنت أو الشاب كيف تكون رزانة العقل وكيف يكون الحديث وكيف ممكن الإبتعاد والشفاء من السذاجة
نعم الشفاء بنظرى هى حالة مرضية يجب أن يشفى منها حاملها وإلا سيكون دائم الوقوع فى المخاطر

أتمنى أن يعجبكم موضوعى وتبدوا آراءكم حول السذاجة عند الفتاة وعند الشاب