بصراحة شعب غريب !!!

*إحنا الشعب الوحيد فى العالم اللى قام بثوريتن فى سنة واحدة والإتنين فى الشتاء !!

*إحنا الشعب الوحيد فى العالم اللى بيضرب بالغاز وبيفضل واقف ويمسكها و يحدفها !!

*إحنا الشعب الوحيد فى العالم اللى شعبه دايماً بيقوله البلد هتخرب على اساس انها مش خربانة !!

*إحنا البلد الوحيد فى العالم اللى الناس لسة بتسأل مين اللى يمسكها بعد اى حد ممكن يمشى برغم إننا 80 مليون !!

*إحنا الشعب الوحيد فى العالم اللى الملثم فجر خط أنابيب تصدير الغاز لإسرائيل سبع مرات وقابلة للزيادة ومبيتقبضش علية !!

*إحنا الشعب الوحيد فى العالم اللى بيقيل الحكومة ويسبها تكمل شغل !!!

*إحنا الشعب الوحيد فى العالم اللى مش لاقي يأكل قبل الثورة وبرده بعد ماعملناها

*إحنا الشعب الوحيد فى العالم اللى عندنا مظاهرتين في يوم واحد واحدة بيهتف فيها " احمد حرارة " و التانية بيهتف فيها " احمد سبايدر "

* إحنا الشعب الوحيد اللى مش خايف من المدرعات لكن خايف يقول لأهله أنه نازل الميدان

*احنا الشعب الوحيد اللى الداخلية بتاعته سايبة البلطجية في الشوارع وتضرب في المتظاهرين

* احنا الشعب الوحيد اللي ممكن يعمل حوار علي اي برنامج تلفزيوني ...و غالبا الحوار بيبقي ما لهوش اي علاقة بالحدث نفسه

*احنا الشعب الوحيد في العالم اللي المتظاهرين يتظاهروا ويحققوا مطالب للشعب والشعب يقول عليهم بلطجية !

* احنا الشعب الوحيد في العالم اللي تلاقي تعليقات ضد الثورة كوبي وبيست في كل صفحة في الفيس بوك ...

* احنا الشعب الوحيد اللي يقولك المظاهرات في اقل من سنة خربت الإقتصاد علي اساس السرقة في البلد ل30 سنة كانت حلال !

* إحنا الشعب الوحيد اللي يقول للمتظاهرين خربتوا البلد عشان عاوزينها احسن وبنعمل مظاهرة تأييد للحكام اللي خربينها .

عايزين تعرفوا نزلنا التحرير تاني لية؟؟؟؟

لما تقوللي مفيش أمن بعد 9 شهور....رغم المليارات اللى إتصرفت على الشرطة
يبقى في حاجة غلط



لما تقوللي إن الفوضى هتستمر لحد شهر 5 / 2013 موعد إنتخاب الرئيس
يبقي فيه حاجة غلط



لما تقوللي إن لحد النهاردة مفيش و لا جنيه رجع من فلوسنا اللي عند الحرامية
يبقي فيه حاجة غلط



لما تقوللي إن الشرطة لسه بتتعامل بنفس العنجهية والافترا ان لم يكن أسوأ من قبل الثورة
والظباط بيتراهنو على اللى يصيب عين الثوار اللى هما اصلا مصابي الثورة واهالى الشهداء
يبقى فى حاجة غلط



لما تقوللي إن أسبانيا أخدت من حسين سالم 32,5 مليون يورو ومباني بقيمة 10 مليون يورو
و احنا مشوفناش منه مليم من فلوسنا اللي سرقها
يبقي فيه حاجة غلط



لما تقوللي إن خزينة الدولة مفيهاش فلوس لتحقيق مطالب المواطنين
مع إن في مصر ألاف الموظفين بيقبض الواحد منهم فوق المليون جنيه شهريا
و ومساعدينهم بيقبضوا مئات الآلاف في الشهر
و كمان رجال الأعمال عليهم 100 مليار جنيه ضرائب للدولة
يبقي فيه حاجة غلط



لما تقوللي إن أحد فلول الحزب الوطني هدد بعزل الصعيد و قطع الكهرباء عن مصر
لو تم منعهم من الترشيح لمجلس الشعب و محدش حتي رد عليه
يبقي فيه حاجة غلط



لما تقوللي إن كل الناس اللي بتعارض خونة و عملاء و مأجورين
من غير حكم واحد قضائي يقول كده و لا حتي تحقيق
يبقي فيه حاجة غلط



لما تقوللي إن فيه مؤامرات داخلية و خارجية علي البلد
و ترمي اتهامات يمين وشمال من غير ما تكشف أشخاص و لا مؤامرة
و أنت عندك أمن وطني و مخابرات و جيش
يبقي فيه حاجة غلط



لما تقوللي إن المشير و عمر سليمان و العيسوي
شهدوا في المحكمة ببراءة مبارك من كل التهم
رغم إن البيان رقم 52 للقوات المسلحة قال رفضنا أوامر بإطلاق النار علي المتظاهرين ؟؟
يبقي فيه حاجة غلط



لما تقوللي إن الثوار بيتحاكموا عسكري و مبارك قاعد في مستشفي 7 نجوم
ونائب رئيس الشرطة العسكرية بيضرب تعظيم سلام للعادلي في المحكمة
يبقي فيه حاجة غلط



لما تقوللي إن تونس انتخبت لجنة تأسيسية لوضع دستور جديد و تشكيل حكومة انتقالية
و مصر لسة بتعمل مجلس شعب هاينتخب لجنة تأسيسية لوضع دستور بعد سنة
ومش هيشكل حكومة
يبقي فيه حاجة غلط



لما تقوللي المشير مش طمعان في الحكم
وفى نفس ذات الوقت تلاقي حملة لترشيحه للرئاسة
يبقي فيه حاجة غلط



لما تقوللي إن المجلس العسكري بيعد وثيقة مباديء فوق دستورية
تجعل منه قوة فوق المحاسبة و فوق الشعب و الحكومة و تجعل منه دولة داخل الدولة
يبقي فيه حاجة غلط



انتهى عصر الخوف
انتهى عصر الذل
انتهى عصر البلطجة المقننة

ارجوكم شيــــــــــــــــــــر علشان نعرف الناس رجعنا التحرير ليه

معلومات عن الغاز المسيل للدموع CR

 

 

أخترع شباب التحرير مادة للتغلب على الغاز المسيل للدموع نهائياً التى تلقيها الشرطة على المتظاهرين

يقول أحد الشباب الذى أخترع المادة إنهم توصلوا لأختراع ماده بسيطة ترش على الوجه الذى أستنشق الغاز المسيل للدموع فيشفى تماماً أو الأفضل أن يرش على الوجه وعلى المكامة وعندما يرش أى غاز مسيل للدموع ستقوم هذه المادة بتفتيته وعدم وصوله للجفن .وهذه المادة هى مكونه من 5% خميرة بيرة و95%ماء يتم وضعهم فى زجاجة ويتم رجها جيداً ثم ترش على الوجه أو على الكمامه.

وطبعأ يوجد محلول اسمه ايبيكو جيل من الصيدليات جيد ولكن الأختراع أقوى وأسرع. وقد تم تجربة هذه المادة ونجحت ووجدنا إنها أفضل من غسل الوجه بالكوكاكولا أو الخل أو البصل لأن تم تطوير القنابل بمواد أقوى وأشد تأثيراً وبهذا الأختراع وجدنا حلاً للغاز المسيل للدموع.

فهذه المادة استطاعت أن تفتت الغاز المسيل للدموع CR وهى مادة مسيلة للدموع قوتها من 6 إلى 10 أضعاف قوة غاز CS وتسبب CR تهيج شديد فى الجلد وخاصة حول المناطق الرطبة من الجسم .. وتشنج الجفن وتسبب فى حدوث عمى مؤقت وسعال وصعوبة في التنفس وهلع. كما يمكن أن ينتج عنه شلل فوري. ويشتبه في كون مادة سي آر مادة مسرطنة، وهو سام ف...ي حالة ابتلاعه والتعرض له على حد سواء ولكن بدرجة أقل من غاز سي إس، وقد يتسبب في الوفاة في حالة التعرض لكميات كبيرة منه، وهو ما يمكن أن يحدث خاصةً في الأماكن سيئة التهوية، حيث يمكن أن يستنشق الشخص جرعة مميتة منه خلال دقائق معدودة. وسبب الوفاة في هذه الحالات هو الأسفكسيا أو الأذمة الرئوية.يستمر تأثير مادة سي آر لفترات طويلة، وقد يظل على الأسطح، وخاصة الأسطح المسامية، لمدة تصل إلى 60 يوماً.

ملحوظة هامــــة :-


أُستخدم غاز CR في القري والبلدات الصغيرة بجنوب أفريقيا وذلك في أواخر الثمانينات وقد تسبب في العديد من حالات الوفيات وخصوصاً بين الاطفال ، وزعمت الجماعات الجمهورية بأن الجيش البريطاني أستخدم هذا الغاز ضد السجناء الجمهوريين لما له من خصائص مُسرطنة مُحتملة ، كما أن الولايات المُتحدة منعت إستخدامه في مكافحة الشغب وقد صنفته كسلاح عسكري كيميائي يتسبب في أعراض جانبية خطيرة علي البشر !

شهداء ميدان التحرير

يمكن صرخ من الالم
من لسعه النار ف الحشا

يمكن ضحك
او ابتسم
او ارتعش
او انتشى

يمكن لفظ اخر نفس
كلمه وادع
لجل الجياع

يمكن وصيه
للى حاضنين القضيه
فى الصراع

صور كتير
ملو الخيال
والف مليون احتمال

لكن
اكيد
اكيد
اكيد
ولا جدال

انه مات
موتة رجال

أحمد فؤاد نجم

الغاز السام القاتل فى ميدان التحرير

هام للغاية ولا يحتمل التأخير ..
بفضل الله تعالى " تم فك طلاسم الغاز المجهول "
الغاز الغير مرئي الجديد الذي يتم استخدامه من قوات الأمن
الغاز اسمه غاز ''التابون TABUN'' وأعراضه كثيرة منها القئ والغثيان والإسهال وصعوبة التنفس.
ينصح باستخدام هذا الأغراض التي تحمي الجسم كامله من هذا الغاز:
( 1 ) استخدام مضادات انزيم الاسيتايلي كولين واستخدام الأوكزيمات واستخدام عقار الفاليوم ويمكن شراءهم من الصيدلية ...
( 2 ) للتخلص من آثار هذا الغاز- استخدام البصل المفروم ووضعه على الأنف -
( 3 ) استخدام غاز ثاني أكسيد الكربون-
( 4 ) استخدام أي محلول حمضي-
( 5 ) استخدام الخميرة في الماء -
( 6 ) استخدام محلول الملح ...

--

هاااااااااام جدااااااااااا:
تعريف بالغاز الجديد غير المرئي|
ده غاز اسمه التابون ودا مالوش حل لانه مالوش علاقة بالمناخير او العيون
دا بيدخل الجسم من الجلد ولو الواحد شامو اكتر من 10 دقايق يسبب الشلل النصفى او حالات وفاه
والوقاية منو بتبقا عن طريق 3 حقن من انترو بين
ياريت كلو شير بسرعه عسل أبيض--لبن بكمية كبيرة --أقراص فحم--بيتمص السموم من الدم----شير بغباء---
دوس شير ربنا يكرمكم

Egyptian Revolution II

المفكر البريطاني مارتن لنجستون || صحيفة صنداي تايم:

عندما تشاهد منظر الشباب المصري و هم يمسكون بالقنابل المسيلة للدموع في ميدان التحرير و كأنهم يلعبون الكرة في الحارة, تعرف وقتها ماذا سيفعل هؤلاء بالعدو لو خاضوا حرباً, و تعرف كم هي عظيمة مصر و كم هو عجيب هذا الشعب ...