معلومات عامة - أدب و أشعار - غرائب و عجائب - نوادر - تسلية - ثقافة - فن - تكنولجيا تابعونا فلدينا المزيد يومياَ
السبت، 15 أكتوبر 2011
السبت، 8 أكتوبر 2011
أول من رفع علم مصر فى سيناء أثناء حرب 73
البطل محمد محمد عبد السلام العباسي .. إبن محافظة الشرقية
في صباح السادس من أكتوبر 1973 - العاشر من رمضان 1393 بدأت عمليات التمويه ، وفي ساعة الصفر بدأ الجنود في عبور قناة السويس وكان البطل محمد العباسي في طليعة القوات العابرة ، و فرح كثيرا عندما شاهد الطيران المصري عائدا بعد أن دك المطارات الإسرائيلية فنظر البطل إلى السماء فشاهد (الله اكبر) مكتوبة بخطوط السحب فهلل مع الجنود ( الله اكبر ) وكانت صيحة العبور .
أسرع البطل نحو دشمة من دشم خط بارليف و لم يعبأ بالألغام والأسلاك الشائكة التي مزقت ملابسه ، وبمجرد وصوله للدشمة فتح نيران سلاحه علي جنود العدو فقتل 30 إسرائيليا ثم القي قنبلة من خلال فتحة الدشمة فسمع صراخ الإسرائيليين وكأنها زغاريد فرح ، وتم اسر 21 جنديا إسرائيليا ، ثم صعد إلى قمة الدشمة ومزق العلم الإسرائيلي ورفع مكانه العلم المصري معلنا تحرير أول نقطة بالقنطرة شرق ودخوله التاريخ من أوسع وأشرف وأنبل الأبواب لأنه بذلك يعد أول مصري يرفع العلم المصري يوم العبور العظيم على أول نقطة تم تحريرها يوم العبور العظيم .
رزق البطل (محمد العباسى) بمولود أطلق عليه اسم (نصر) اعتزازا وافتخارا بنصر أكتوبر الخالد .
بعد تأدية الخدمة العسكرية عاد البطل إلى قريته التى خرجت عن بكرة أبيها واستقبلت ابنها وابن مصر البطل (محمد العباسى) وبعد مدة قليلة تم تعيينه بالوحدة الصحية بالقرية .
ابتهاجا واحتفالا بنصر أكتوبر قام الحاج حسن فهيم خطاب احد أبناء محافظة الجيزة بإهداء فيلا رائعة بالهرم إلى وزارة الحربية لتهديها بدورها إلى أول من قام برفع علم مصر يوم العبور العظيم .. فقامت الوزارة بإهداء الفيلا إلى البطل (محمد العباسى) فى حفل كبير حضره لفيف من القيادات الرسمية والشعبية .. وأثناء الاحتفال طلب الحاج حسن فهيم من البطل محمد العباسى تسجيل اسمه كابن من أبناء محافظة الجيزة فقال البطل : أنا ابن مصر كلها .
كما تم تكريم البطل من قبل قريته واللواء ( فؤاد عزيز غالى) قائد الجيش الثانى الميدانى كما كرمته جامعة الزقازيق.
ويحرص البطل ( محمد العباسى ) على الجلوس مع أولاده (جلال .. نصر .. هيام .. أمال) وأحفاده ليقص عليهم قصص البطولة .
المصدر..
---------
كتاب من سجلات الشرف للصديق الصحفى الأديب إبراهيم خليل إبراهيم
مدونة الأديب إبراهيم والتى فيها نص الحوار كامل مع البطل
http://elkateb.maktoobblog
شهداء حرب 6 اكتوبر 1973 م
الشهيد أحمد حمدى ..
تولي قيادة لواء المهندسين المخصص لتنفيذ الأعمال الهندسية بالجيش الثاني وكانت القاعدة المتينة لحرب أكتوبر 1973، في عام 1971 كلف بتشكيل واعداد لواء كباري جديد كامل وهو الذي تم تخصيصة لتأمين عبور الجيش الثالث الميداني. تحت إشرافه المباشر تم تصنيع وحدات لواء الكباري واستكمال معدات وب...راطيم العبور، كما كان له الدور الرئيسي في تطوير الكباري الروسية الصنع لتلائم ظروف قناة السويس.
أسهم بنصيب كبير في إيجاد حل للساتر الترابي، وقام بوحدات لوائه بعمل قطاع من الساتر الترابي في منطقة تدريبية وأجرى عليه الكثير من التجارب التي ساعدت في النهاية في التوصل إلى الحل الذي استخدم فعلا. كان الشهيد اللواء أحمد حمدي ينتظر اللحظة التي يثأر فيها هو ورجاله بفارغ الصبر، وجاءت اللحظة التي ينتظرها الجميع وعندما رأي اللواء أحمد حمدي جنود مصر الأبرار يندفعون نحو القناة ويعبرونها في سباق نحو النصر أدرك قيمة تخطيطة وجهوده السابقة في الاعداد لوحدات المهندسين والكباري علي نحو خاص.
كان يشارك وسط جنوده في إعادة إنشاء كوبري لضرورة عبور قوات لها أهمية خاصة وضرورية لتطوير وتدعيم المعركة، وأثناء ذلك ظهرت مجموعة من البراطيم متجه بفعل تيار الماء إلى الجزء الذي تم إنشاءه من الكوبري معرضه هذا الجزء إلى الخطر وبسرعة بديهة وفدائية قفز البطل إلى ناقلة برمائية كانت تقف علي الشاطئ قرب الكوبري وقادها بنفسه وسحب بها البراطيم بعيدا عن منطقة العمل ثم عاد إلى جنوده لتكملة العمل برغم القصف الجوي المستمر.. وقبل الانتهاء من إنشاء الكوبري يصاب البطل بشظية متطايرة وهو بين جنوده. كانت الإصابة الوحيدة والمصاب الوحيد لكنها كانت قاتلة. ويستشهد البطل وسط جنوده كما كان بينهم دائما. تم إختيار يوم إستشهاده ( يوم المهندس المصرى )
.
اللواء شفيق مترى سدراك (أول شهيد من الضباط ) ..
وكان اسمه أول الحاصلين من الضباط على وسام نجمة سيناء عندما قلد الرئيس الراحل السادات أبطال القوات المسلحة الشهداء والأحياء أوسمة النصر فى مجلس الشعب يوم 19 فبراير 1974 م
** ولد شفيق مترى سدراك فى عام 1921 م بقرية المطيعة مركز أسيوط وكان ابوه يعمل مدرس ثانوى وقضى الابن الطموح عامين فى كلية التجارة ولكنه اختار فى النهاية أن يلتحق بالكلية الحربية ليتخرج منها عام 1948م مقاتلا بسلاح المشاة وخدم فى السودان مرتين خلال حياته العسكرية.
اظهر ( شفيق مترى ) تفوقا ملحوظاً لدرجة انه كان من الضباط القلائل الذين حصلوا على شهادة أركان حرب وهو برتبة رائد ، واختير للعمل كمدرس لمادة التكتيك بالكلية الحربية ، ثم أصبح كبيراً للمعلمين بها .
خاض معارك مصر قبل 1973م فاشترك فى حرب 1956م وفى حرب 1967م.
وكان ( شفيق مترى ) قائدا لكتيبة مشاة حاربت فى منطقة أبى عجيلة وكبد العدو خسائر كبيرة ، وحصل على ترقية استثنائية بسبب هذه المعركة.
محمد حسين محمود سعد ( أول شهيد من الجنود ) ..
بحسب إشارات التبليغ من الوحدات الفرعية ويوميات القتال لدى قادة الوحدات الفرعية المتقدمة كان أول شهيد مصري فى حرب اكتوبرهو الرقيب ( محمد حسين محمود سعد ) والذى ولد عام 1946م ودرس فى معهد قويسنا الدينى وعين بعد التخرج باحثا اجتماعيا بوحدة طوخ بالقليوبية .
- انضم إلى القوات المسلحة عام 1968 م كجندي استطلاع خلال السنوات السابقة على حرب اكتوبر .. وعندما جاءت لحظة العبور كان ضمن قوات الجيش الثالث التي نزلت إلى سيناء ،وكان يوم استشهاده هو يوم العبور ذاته 6 اكتوبر 1973 م ليصبح أول شهيد فى أعظم معارك الشرف والفداء
الشهيد سيد زكريا خليل ( بطولة نادرة بشهادة العدو ) ..
أعترف سفير إسرائيل في ألمانيا الذي كان جنديا إسرائيليا لأول مرة للسفير المصري في ألمانيا بأنه قتل الجندي المصري سيد زكريا خليل ، مؤكدا أنه مقاتل فذ وانه قاتل حتى الموت وتمكن من قتل 22 إسرائيليا بمفرده.
وسلم الجندي الإسرائيلي متعلقات البطل المصري إلى السفير وهي عبارة عن السلسلة العسكرية الخاصة به إضافة الى خطاب كتبه الى والده قبل استشهاده ، وقال الجندي الإسرائيلي انه ظل محتفظا بهذه المتعلقات طوال هذه المدة تقديرا لهذا البطل .. وجاء هذا الاعتراف للسفير المصري من قبل الجندي الإسرائيلي السابق بعد تردد بالغ في كشف هذا السر .. و يقول السفير الإسرائيلي انه كان مذعورا من هذا الشخص الذي يقتل رفاقه واحدا تلو الآخر ولم يكن يصدق انه نفر واحد ... وقال انه كان خائفا وكان مختبئا حتى تتاح له الفرصة لقتل العريف سيد ...
رحم الله شهداء مصر على مر العصور
-------------------------
مواضيع ذات صلة فى تراث مصرى ..
الكتيبة 39 ( كتيبة الأشباح )
http://www.facebook.com/ph
أول من رفع علم مصر فى سيناء
http://www.facebook.com/ph
صائد الدبابات
http://www.facebook.com/ph
الأربعاء، 5 أكتوبر 2011
أنا مش آسف يا ريس
أنا مش آسف يا ريس ...... علشان سبت البطالة تحاصرنا وتخنقنا وتطلع ميتين أهالينا .
أنا مش آسف يا ريس ...... علشان سبت كلاب أمن الدولة تنهش في لحمنا وترهبنا وتنتهك أعراضنا .
أنا مش آسف يا ريس ...... علشان أقسام الشرطة في عهدك بقت أوكار للتعذيب وإهانة المواطنين .
أنا مش آسف يا ريس ...... علشان سبت شعبك يسكن في المقابر مع الأموات وإنت نايم في قصرك.
أنا مش آسف يا ريس ...... علشان ما شفناش ناس بتاكل من صناديق الزبالة إلا في عهدك .
أنا مش آسف يا ريس ...... علشان ما عرفناش ظاهرة إسمها أطفال الشوارع والعشوائيات إلا في عهدك .
أنا مش آسف يا ريس ...... علشان ما شفناش ناس بتموت في طوابير العيش والغاز إلا في عهدك .
أنا مش آسف يا ريس ...... علشان خليت مهية المواطن ما تكفيهوش لحد خامس يوم في الشهر .
أنا مش آسف يا ريس ...... علشان سبت التجار يحتكروا أقواتنا ويلعبوا بينا ويرفعوا الأسعار زي ما هم عايزين .
أنا مش آسف يا ريس ...... علشان سبت مرض الكبد الوبائي ينهش في أكباد الشعب المصري .
أنا مش آسف يا ريس ...... علشان أكلتنا قمح مسرطن ، ولحوم فاسدة ، ومواد منتهية الصلاحية ، وشربتنا مية المجاري لحد ما انتشر فينا السرطان والفشل الكلوي وكل أمراض الدنيا المستعصية .
أنا مش آسف يا ريس ...... علشان سبت المزارعين إللي ما عندهمش ضمير يأكلونا خضروات مسقية بمية المجاري .
أنا مش آسف يا ريس ...... علشان سبت الحرامية ينهبو ثروات البلد وثروات الشعب ويهربوها برة البلد.
أنا مش آسف يا ريس ...... علشان التعليم في عهدك بقا زبالة .
أنا مش آسف يا ريس ...... علشان الرعاية الصحية في عهدك بقت زبالة .
أنا مش آسف يا ريس ...... علشان الزبالة وطفح المجاري في عهدك بقا الصفة المميزة للشارع المصري .
أنا مش آسف يا ريس ...... علشان كل حاجة في عهدك بقت ملوثة .. الهوا ، والمية ، والنيل ، والشوارع ، والسياسة ، والفن ، وحتى ضماير الناس بقت ملوثة .
أنا مش آسف يا ريس ...... علشان حرمتنا من الحرية ، وزورت الانتخابات ، وسلمت البلد للبلطجية يتحكموا فيها .
أنا مش آسف يا ريس ...... علشان سبت حرامية السلطة يبيعوا ممتلكات مصر وأراضي مصر بأبخس الأثمان للتجار وللمستثمرين .
أنا مش آسف يا ريس ...... علشان في عهدك بقى الشعب يموت بالميات والآلاف في العبارات ، وفي حوادث القطارات ، وتحت أنقاض العمارات وصخور الجبال .
أنا مش آسف يا ريس ...... علشان خليت شوية عيال يحتكروا الحياة كلها في مصر ويقسموها بينهم وكأنها عزبة ورثوها من أهاليهم .
أنا مش آسف يا ريس ...... علشان في عهدك بقت مصر من أكتر دول العالم نسبة أمية وناس عايشة تحت خط الفقر .
أنا مش آسف يا ريس ...... علشان الفساد في عهدك بقى للركب ... (بشهادة سكرتيرك الدكتور زكريا عزمي)
أنا مش آسف يا ريس ...... علشان بعت الغاز للصهاينة بأبخس الأثمان .
أنا مش آسف يا ريس ...... علشان سمحت بالسطو على أموال المعاشات والتلاعب بيها .
أنا مش آسف يا ريس ...... علشان سمحت بالسطو على أموال مكتبة الإسكندرية .
أنا مش آسف يا ريس ...... علشان عيشتنا 30 سنة تحت حكم قانون الطوارئ وكأننا أعداء ليك مش شعبك اللي المفروض تحميه وتسهر على راحته .
أنا مش آسف يا ريس ...... علشان سبت كلاب أمن الدولة يزرعوا بذور الفتنة الطائفية بين أفراد الشعب المصري المسالم علشان يقدروا يسيطروا عليه .
أنا مش آسف يا ريس ...... علشان حرمت مصر من واحد من أهم مصادر الدخل ليها وتشغيل العمالة وهو زراعة القطن ، إللي كان قبل عهدك أفضل قطن في العالم .
أنا مش آسف يا ريس ...... علشان خليت شعبك يشرب المية من الجراكن ، ويستنى فناطيس المية يا جت يا مجتش ، والنيل ماشي قدام عينيه وهو عطشان ، وزرعه عطشان ، وكلاب السلطة عمالين يسقوا ملاعب الجولف بتاعتهم من مية الشعب المصري الغلبان .
أنا مش آسف يا ريس ...... علشان ، مصر ، بلد النيل ، ما عرفتش حاجة إسمها (الفقر المائي) إلا في عهدك .
أنا مش آسف يا ريس ...... علشان ، مصر ، بلد النيل ، والسد العالي ، والتربة الخصبة ، بقت تستورد في عهدك القمح وكل المحاصيل الزراعية الأساسية بالمليارات ، والفلاح المصري الغلبان مش لاقي ياكل .
أنا مش آسف يا ريس ...... علشان أغرقت الفلاحين المصريين في الديون وفوائد الديون وأدخلتهم السجون .
أنا مش آسف يا ريس ...... علشان سبت حرامية الأراضي يجرفوا الأرض الزراعية اللي حيلتنا ويحولوها لعمارات ومنتجعات .
أنا مش آسف يا ريس ...... علشان اتغاضيت عن تدمير الثروة السمكية ، وأجبرت الصيادين إنهم يسافروا لحدود الصومال ويعرضوا نفسهم لخطر القراصنة .
أنا مش آسف يا ريس ...... علشان في عهدك ضاع البحث العلمي ، وهاجر العلماء للخارج ، وخرجت الجامعات المصرية من التصنيف الدولي لأفضل الجامعات .
أنا مش آسف يا ريس ...... علشان ضيعت أموال الشعب المصري في مشاريع فاشلة في توشكى وترعة السلام ، وغيره .. وغيره ..
أنا مش آسف يا ريس ...... علشان التحرش الجنسي ، والبلطجة ، وفساد الذمم والأخلاق كان سمة أصيلة من سمات عهدك .
أنا مش آسف يا ريس ...... علشان محصلش في تاريخ مصر إن القضاة انضربوا واتهانوا على يد قوات الأمن إلا في عهدك .
أنا مش آسف يا ريس ...... علشان سمحت بمحاكمة المواطنين المدنيين في محاكم عسكرية .
أنا مش آسف يا ريس ...... علشان كرامة المواطن المصري برة بلده ما تهانتش واتمسح بيها الأرض إلا في عهدك .
أنا مش آسف يا ريس ...... علشان غضيت الطرف عن قيام إسرائيل بعمليات قتل متعمد للمواطنين والأطفال المصرين عبر حدود سينا .
أنا مش آسف يا ريس ...... علشان حاصرت أهلنا في غزة ووطيت راسنا قدام أشقائنا العرب .
أنا مش آسف يا ريس ...... علشان مكانة مصر في عهدك على المستوى العربي
والإفريقي والدولي بقت في الحضيض .
أنا مش آسف يا ريس ...... علشان إنت كان لازم تمشي من زمان ، وتتخلع من زمان ، وتتحاكم من زمان
تحذير هام لكل البنات
اي بنت تروح محل للملابس وتحب تجرب اللبس ياريت في غرفة التغيير تتأكد ان المرآه مش مزدوجه..
والتأكد بسيط زي ما هو واضح في الصوره..لو حطيتي صابعك على المرآه ولقيتي فيه فرق بين الصابع وانعكاسه اعرفي ان فيه حد وراء المرآه او كاميرا.
ولو مفيش فرق اعرفي ان المرايه سليمه..
وفى حاله انت عاوز تعرف فى كاميرا بتصور والا لاء
... طلع موبايلك وعمل تلفون قبل ما تخش غرفه تبديل الملابس لو اتصل عادى وتمام خش على الاوضه وحاول تعمل مكالمه تانى لو ما اتصلش اعرف ان الالياف الصناعيه بتاع الكاميرا الى فى الاوضه هيا الى منعت الاتصال
.ياريت تخلوا بالكم كويس جدا من الموضوع المهم ده لأن فيه بعض الناس
أصحاب المحلات بيصوروا البنات من غير ما تحس
وارجو من الناس كلها تعمل شير حتى تعم الفائده والمعلومه توصل لكل الناس
البنت دى ممكن تكون جارتك او خطيبتك او اختك او مراتك حافظ عليهم وعرفهم الفرق
إحرص أن تبقى عينيك مفتوحتين اثناء السجود
إحرص أن تبقى عينيك مفتوحتين اثناء السجود
الحكمه من إبقاء العين مفتوحة أثناء السجود !!
تعاني عضلات العين من التصلب النسبي بمرور الأيام مما يؤدي إلى عدم قدرتها على زيادة و إنقاص تحدب عدسة العين بالشكل المطلوب
لذا احرص على إتباع السنة في صلاتك بأن تبقي عينيك مفتوحتين أثناء السجود
...
قف وأنت تنظر إلى موضع سجودك وأبق عينيك مركزة على تلك المنطقة
عند ركوعك ستقترب العين من موضع السجود مما سيجبر عضلات العين على الضغط على العدسة لزيادة تحدبها
وعند رفعك سترتخي العضلات ويقل التحدب
عند سجودك ستنقبض العدسات أكثر من الركوع لان المسافة بين العين ونقطة السجود قريبة جداً وعند الرفع سترتخي
هذا التمرين ستنفذه بشكل إجباري 17مرة في اليوم ويمكنك تكراره عدد المرات التي تريد
شوفو حكمة الله ...
الرسول صلى الله عليه وسلم دائماً كان يدعو على ابقاء العينين مفتوحتين أثناء السجود ...
وهاهو العلم الآن يثبت أن ذلك يعمل على عدم اضعاف النظر
سبحانك اللهم وبحمدك اشهد ان لا اله الا انت استغفرك واتوب اليك
اللهم اجعلني مقيم الصلاة ومن ذريتي ربنا وتقبل دعاء
الاثنين، 3 أكتوبر 2011
حديث قدسي
أنا عن نفسي قرأتها فاستحيت من ربي , إقرؤوها فهي قصيرة ولكن مؤثرة جداً تتجلى عظمة الخالق.. في الحديث القدسي الشريف قال سبحانه وتعالى:
( يا ابن آدم جعلتك في بطن أمك.. وغشيت وجهك بغشاء لئلا تنفر من الرحم .. و جعلت وجهك إلى ظهر أمك لئلا تؤذيك رائحة الطعام .. و جعلت لك متكأ عن يمينك و متكأ عن شمالك فأما الذي عن يمينك فالكبد.. و أما الذي عن شمالك فالطحال ... و علمتك القيام و القعود في بطن أمك .. فهل يقدر على ذلك غيري ؟؟ فلما أن تمّت مدتك. وأوحيت إلى الملك بالأرحام أن يخرجك فأخرجك على ريشة من جناحه. لا لك سن تقطع ... و لا يد تبطش... و لا قدم تسعى .. فأنبعث لك عرقين رقيقين في صدر أمك يجريان لبنا خالصا. حار في الشتاء و باردا في الصيف . و ألقيت محبتك في قلب أبويك. فلا يشبعان حتى تشبع ... و لا يرقدان حتى ترقد .. فلما قوي ظهرك و أشتد أزرك . بارزتني بالمعاصي في خلواتك .. و لم تستحي مني . و مع هذا إن دعوتني أجبتك) (و إن سألتني أعطيتك.. و إن تبت إليّ قبلتك)
الاشتراك في:
الرسائل (Atom)