فى الفيــس بوك

فى الفيــس بوك .:.
...
محمد حب 15 واحده ومخدش منهم ولا واحده

.:. فى الفيــس بوك ....:.
............
سيده بقت نرمين ونرمين بقت أيتن وكله كلام فاضى :(

.:. فى الفيــس بوك .:.

قيس أتجوز ليلي وروميو مات مشلول فى حب جولــيت

.:. فى الفيــس بوك .:.

بتعرف توقيت صحابك كلهم بيعملو إيه
أنا أشتريت موتسكيل صيني انا بستحمي أبويا طلق أمي كده يعني
ومن خلال عمليات حسابيه ممكن تعرف هو خرج من الحمام أمتي
ونام أمتي وكال ولا لاء وهو بيعمل إيه بالظبط D:D:

.:. فى الفيــس بوك .:.

أحمد أتجوز مني وحسن خان نعيمة ^_^

.:. فى الفيــس بوك .:.

مصر رفعت الرواتب خمس مرات فى 2010
وبطلنا نصدر الغاز لـ إسرئيل :) والحياة بقت رخيصه وإحنا إللي نستعبط

.:. فى الفيــس بوك .:.

الشباب كلها إتجوزت ومعدش فى أزمة ولا فى بطاله
والحب ساد على الجميع والناس عايشة فى أمان :)

.:. فى الفيــس بوك .:.

مسكو الأرهابي إللي فجر الكنيسه يوم 1/1/2011
التاريخ ده جامد جدا شكل صوابع الكتاكات D:D:

.:. فى الفيــس بوك .:.

الأحلام كلها بقت وردي الشباب مرتاحه وحاحا أتجوز تفاحه
ومحدش بيفكر فى المستقبل وكله بينام مرتاح

.:. فى الفيــس بوك .:.

ممكن تبقي شاب مشهور أو تبقي مدمور أو حزين ومكسور
لو أنت مش من ضمنهم أنتحر ياجدع وريحنا
ينعيش عيشه فل يانموت أحنا الكل

.:. فى الفيــس بوك .:.

كله خيال فى خيال كله وردي الحياه خاليه من الشوائب
محدش بيفكر فى أى حاجه ^_^

.:. فى الفيــس بوك .:.

إللي طلق مراته واللي ساب حببته وإللي أنطرد من شغله
وإللي جاله أكتئاب زي كده ولا خلاص عايش ومش عايش

.:. فى الفيــس بوك .:.

تلاقي أصحاب جدعان أحسن من إللي فى الحقيقه
وكله ضحك على الدقون :(

.:. فى الفيــس بوك .:.

واحده تحط صوره ويدخل واحد يعمل كومنت أنتي قمر أنتي عسل
سبحان من خلقك وصور جمالك أه يا كداب يا منافق D:D:

.:. فى الفيــس بوك .:.

بنات كتير كانت بتفكر تنتحر وإللي تكتب إستيوتس ياجماعة أنا قررت أنتحر
يدخل 100واحد يهدي فيها ويقولها لسه الدنيا بخير وليه بس ياقمر
معادا واحد بس له كل الأحترام والتقدير شاب يدخل يقول( حتوحشينا )

لا تظن أن أي فشل يمر بحياتك هو نهاية لك

التحق شاب امريكى يدعى " والاس جونسون " بالعمل فى ورشه كبيره لنشر الاخشاب وقضى الشاب فى هذه الورشه احلى سنوات عمره ،

حيث كان شابا قويا قادرا على الاعمال الخشنه الصعبه ،

وحين بلغ سن الاربعين وكان فى كمال قوته

واصبح ذا شأن فى الورشه التى خدمها لسنوات طويله فوجىء برئيسه فى العمل يبلغه انه مطرود من الورشه وعليه ان يغادرها نهائيا بلا عوده !

فى تلك اللحظه خرج الشاب الى الشارع بلا هدف ، وبلا امل وتتابعت فى ذهنه صور الجهد الضائع الذى بذله على مدى سنوات عمره كله ، فأحس بالاسف الشديد وأصابه الاحباط واليأس العميق واحس " كما قال ؛

وكآن الارض قد ابتلعته فغاص فى اعماقها المظلمه المخيفه ..

لقد اغلق فى وجهه باب الرزق الوحيد ، وكانت قمه الاحباط لديه هى علمه انه وزوجته لا يملكان مصدرا للرزق غير اجره البسيط من ورشة الاخشاب ، ولم يكن يدري ماذا يفعل!!

وذهب الى البيت وابلغ زوجته بما حدث

فقالت له زوجته ماذا نفعل ؟

فقال : سأرهن البيت الصغير الذي نعيش فيه وسأعمل فى مهنة البناء ..

وبالفعل كان المشروع الاول له هو بناء منزلين صغيرين بذل فيهما جهده ، ثم توالت المشاريع الصغيره وكثرت واصبح متخصصاً فى بناء المنازل الصغيره ، وفى خلال خمسة اعوام من الجهد المتواصل

اصبح مليونيراً مشهورا إنه

" والاس جونسون " 

الرجل الذى بنى سلسله فنادق (هوليدي إن) انشأ عدداً لا يحصى من الفنادق وبيوت الاستشفاء حول العالم ..

يقول هذا الرجل فى مذكراته الشخصيه ؛ لو علمت الآن أين يقيم رئيس العمل الذى طردني ، لتقدمت إليه بالشكر العميق لأجل ما صنعه لي فَعندما حدث هذا الموقف الصعب تألمت جدا ولم افهم لماذا ، اما الآن فقد فهمت ان الله شاء ان يغلق فى وجهى باباً " ليفتح امامى طريقا " أفضل لى ولأسرتى .

.

لا تظن أن أي فشل يمر بحياتك هو نهاية لك .. فقط فكر جيداً

وتعامل مع معطيات حياتك .. وابدأ من جديد بعد كل موقف

فالحياة لا تستحق أن نموت حزناً عليها

لأنه بإستطاعتنا أن نكون أفضل

و أفضل

و أفضل

كـيـف تـعـرف الـمـصـري من بين الناس ؟

 

لو اديت لواحد فلوس... وبدأ يعدها بصوت عالي وبدأ بقوله الله واحد .. ومع الورقة الثانية مالوش تاني، ومع الورقة الثالثة: العدد ثلاثة .. يبقي أكيد مصري ابن مصري


. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري

. إذا سمعته بعد أن يضحك يقول " خير اللهم إجعله خير " .. فتأكد أنه مصري ...

. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...


. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا

. لو دخلت عليه وكان بياكل ولو حتى عيش حاف لازم يقولك اتفضل الأكل ويعيدها عليك ثلاث أربع مرات


. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر

. لما تلاقي سيدة في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين

. لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه وباسها قبل مايحطها جنب الرصيف... يبقى الواحد (او الواحدة) ده مصرى.

. لو شفت عامل اول ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري

. لما تيجي تدفع الأجرة لواحد أول مرة تعرفه، يحلف عليك تخلي بأه

. لو سالت سواق تاكس على عنوان وبدل ما يدلك قالك امشي ورايا.. يبقى مصري.. (وعلى فكرة ساعات بيغير اتجاهه عشان عنده رغبة صادقة يوصلك وخايف تتوه)
. لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني الاجرة

. لما تلاقي ست البيت بتحوش برطمانات المربي الفاضية وعلب الحلاوة سنين طوال بدون استخدام يبقي أكيد دي مصرية

. ولما تلاقى شعب فى اكبر ازمه بيمر بيها ... مابيناسش يضحك
ويضحك اللى حوليه
وكل العالم يتكلم عليه ....
يبقى انت اكيد تقصد اعظم شعب ... شعب مصر

يا رب أبعد عنا شر الفتن ما ظهر منها و ما بطن

متزعلشي - الشاعر مصطفى ابراهيم

الأوله… أرزاق ...

والتانيه…. أسماء...

والتالته…. بشتاق....



الأوله… أرزاق مفيش حيلة ولا سكّة....

والتانيه…. أسماء عيال بتحب ع الدكّة....

والتالته… بشتاق لطعم الفرح والضحكة.....



الأوله… أرزاق مفيش حيلة ولا سكّة غير المكتوب....

والتانيه…. أسماء عيال بتحب ع الدكّة و راسمة قلوب....

والتالته… بشتاق لطعم الفرح والضحكة يا شيخ أيوب ....



الأوله… أرزاق مفيش حيلة ولا سكّة غير المكتوب مقّسِم كلّه بالحتة…

والتانيه…. أسماء عيال بتحب ع الدكّة و راسمة قلوب لكل الخلق إلا انتا....

والتالته… بشتاق لطعم الفرح والضحكة يا شيخ أيوب أنا ملّيت ..حدوق امتا ؟....



الأوله… أرزاق مفيش حيلة ولا سكّة غير المكتوب مقّسِم كلّه بالحتة وكله نصيب.....

متزعلشي…..


والتانيه…. أسماء عيال بتحب ع الدكّة و راسمة قلوب لكل الخلق إلا انتا ملكش حبيب ...

متزعلشي….


والتالته… بشتاق لطعم الفرح والضحكة يا شيخ أيوب أنا ملّيت..حدوق امتا ؟ ف قاللي قريب ....
 متزعلشي…..♥ 

بقلم : مصطفى ابراهيم

دفتر أسامى الهاموش - للشاعر مصطفى ابراهيم

...يا دفعة

....يا مرمي

...ف كشك الحراسة

...لحد أما يطلع عليك النهار

...يا صبحي محمد سعيد الفواعلي

...نزيـل المــوائد ف سـاعة الفطــار

....يا كردي يا صالح يا جندي المراسلة

...توصــل مدام إنشراح بالخضــار

...وترجع تجيب العيال م الحضانة

....وتطلع توّدي فلوس الإيجار

...وسيد بشندي

...بتاع النضافة

....بيكنس تقاطع لاظوغلي ونوبار

....ومحسن عفيفي بيقطع تذاكر

....ف خط المنيرة لحد المطار

....وسعد المنادي

...في خط العبور

...أخو أحمد قناوي أشارجي المرور

...و أشــرف شرارة

...ف نفــس الإشارة

...بيطلع يوزع بواكي البخور

...وعبده السواحلي بتاع الفريسكا

.....بيسرح يوماتي ف شط الزهور

.....ودفتر أسامي الهاموش و الغلابة

.....بيكبــر ولا توفّيــهوش الكتابة

......وتسمن و تتخن كروش الديابة

......بلحم اللي ماتوا

.......ف أخــر الطابور


بقلم : مصطفى ابراهيم

فلان الفلاني - للشاعر مصطفى ابراهيم

 
فلان الفلاني اللي كان يومها جنبي


ساعة لما بدأوا في ضرب الرصاص


فلان الفلاني اللي معرفش اسمه


ف دايما بقول يابن عمي وخلاص


فلان اللي سابلي بقيت سندوتشه


ليلة لما شافني بغنّي و جعان


فلان اللي مش فاكرَه غير شكل وشه


فلان اللي عداكي جوه الميدان


فلان اللي فتشني بالإبتسامه


فلان اللي قال هو فعلا حيمشي ؟


فلان اللي قاللي طريق السلامة


ساعة لما قولنا زهقنا وحنمشي


فلان اللي مرضيش ياخد مني أجره


ساعة لما قلت إني رايح مظاهره


فلان اللي قاللي حيتنحى بكره


وحنفرح و نرقص و راح تبقى سهره


فلان اللي كان بيناولني القزايز


ويقفلها بعد أما اعبيها جاز


فلان اللي يشرب ويسألني عايز ؟


فلان اللي كان وشه مليان قزاز


فلان اللي مطلعش جوه البرامج


وكان بس صوته في قلب الهتاف


فلان اللي روح أكل واستحمى


فلان اللي ضايع في وسط ال الاف


فلان اللي غرقّلي خل الكوفيه


و شالني ساعة لما جت طلقه فيا


فلان اللي مات يومها تلزمله ديه


من ابن الفلاني اللي كل لحمه حاف

بقلم : مصطفى ابراهيم

تحميل كتاب عصر العلم - أحمد زويل

من افضل الكتب بالنسبة لى

كتاب عصر العلم للعالم احمد زويل
اضغط على الرابط التالى لتحميل الكتاب كاملاhttp://www.mediafire.com/?9yncap68n12uhi7

عشرون مهارة تجعلك محبوباً بين الناس

1. ابدأ بالسلام والتحية على الآخرين , ففي الســــلام تهيئة وتطمين للطرف الآخر .
2. ابتسم ,فالابتسامة مفعولها سحري وفيها استمالة للقلوب.
3. أظهر الاهتمام والتقدير للطرف الآخر وعامل الناس كما تحب أن يعاملوك.
4. شارك الناس أفراحهم.
5. اقض حاجات الآخرين تصل إلى قلوبهم فالنفوس تميل إلى من يقضي حاجاتها.
6. عليك بالعفو عن الزلات وتغليب نفسية التسامح.
7. تفقد الغائب والسؤال عنه ضمان لكسب الود و جذب القلوب.
8. لا تبخل بالهدية ولو قلّ سعرها ,فقيمتها معنوية أكثر من مادية.
9. أظهر الحب وصرّح به فكلمات الود تأسر القلوب .
10. تفنن في تقديم النصيحة ولا تجعلها فضيحة.
11. حدث الآخرين بمجال اهتمامهم فالفرد يميل إلى من يحاوره في مدار اهتمامه.
12. كن متفائلاً وابعث البشرى لمن حولك ..
13. امدح الآخرين إذا أحسنوا فللمدح أثره في النفس ولكن لا تبالغ.
14. انتق كلماتك ,, ترتفع مكانتك فالكلمة الحسنه خير وسيلة لاستمالة القلوب..
15. تواضع فالناس تنفر ممن يستعلي عليهم .
16. تجنب تصيُّد عيوب الآخرين وانشغل بإصلاح عيوبك .
17. تعلم فن الإنصات فالناس تحب من يصغي لها .
18. وسع دائرة معارفك واكسب في كل يوم صديق.
19. اسع لتنويع تخصصاتك واهتماماتك تتسع دائرة معارفك وصداقاتك .
20. إذا قدمت معروفاً لشخص ما , فلا تنتظر منه مقابل .
♥
لـ للدكتور .. ابراهيم الفقى

حدوتة مصرية

 

ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي نداء
ما نرضاش تهاجر الجذور أرضها
ما نرضاش قلبي جوا يغني
...وأجراس تدق لصرخة ميلاد
تموت حته مني
الأجراس بتعلن نهاية بشر
من العباد
دي الحكمة قتلتني
و حيتني
وخلتني أغوص في قلب السر
قلب الكون
قبل الطوفان ما ييجي
خلتني أخاف عليك يا مصر
واحكيلك على المكنون
مين العاقل فينا
مين المجنون؟؟
مين الي مدبوح من الألم
مين اللي ظالم فينا
مين مظلوم؟؟
مين اللي ما يعرفش غير كلمة نعم
مين اللي محميلك خضار؟؟
الفلاحين غلابة
مين اللي محنيلك عمار؟؟
عمالك الطيابة
مين اللي ببيع الضمير
مين يشتري بيه الدمار
مين هو صاحب المسألة
والمشكلة ..
والحكاية ..
والقلم ؟؟
رأيت كل شيء
وتعبت على الحقيقة
قابلت في الطريق
عيون كتيرة بريئة
أعرف بشر ..
عرفوني لأ
لأ ما عرفونيش
قبلوني وقبلتهم
بمد ايدي لأطب ليه ما تقبلنيش
لا يهمني اسمك
لا يهمني عنوانك
لا يهمني لونك
ولا ولادك ومكانك
يهمني الإنسان
ولو ما لوش عنوان
يا ناس .. يا ناس يا مكبوته
هي دي الحدوته
حدوته مصرية

لـــ الشاعر عبد الرحيم منصور

أجمل ما قال عبد الرحمن الابنودى

أيادى مصرية سمرا.. ليها فى التمييز

ممدودة وسط الزئير.. تكسّر البراويز

سُطوع لصوت الجموع.. شوف مصر تحت الشمس

آن الأوان ترحلى.. يا دولة العواجيز!

■ ■ ■

عواجيز شداد.. مسعورين.. أكلوا بلادنا أكل

ويشبهوا بعضهم.. نهم.. وخِسّة وشكل

طلع الشباب البديع.. قلبوا خريفها ربيع

وحققوا المعجزة.. صحُّوا القتيل من القتل

■ ■ ■

إقتلنى.. قتلى.. ما حيعيد دولتك تانى

باكتب بدمى حياة تانية.. لأوطانى

دمى ده والاّ الربيع.؟ الاتنين بلون أخضر

وبابتسم.. من سعادتى والّا أحزانى؟

■ ■ ■

حاولتوا ما حاولتوا.. ما تشوفوا وطن غيره

سلبتوا دم الوطن.. وبْشمْتوا من خيره

أحلامنا.. بُكرانا.. أصغر ضحكة على شفه

شفتوشى صياد يا خلق.. بيقتله طيرُه؟

السوس بينخُر وسارح.. تحت إشرافَك

فرحان بهم كنت.. وشايلهم على كتافك

وأما أهالينا: من زرعوا وبنوا وصنعوا..

كانوا مداس ليك.. ولولادك.. وأحلافك.

■ ■ ■

يا مصر.. قام العليل.. رجعت له أنفاسُه

وباس جبين الوطن.. مال الوطن باسُه

من قبل موته بيوم.. صحُّوه أولاده

من كان سبب علته.. محبته لناسه!

■ ■ ■

الثورة فيضان قديم محبوس ماشافوش زُول

الثورة لوْ جدَّ.. ماتبانشى ف كلام أو قول

تعدل وتقلب فى سرِّيه، تفور فى القلب

وتتغزل فتله فتله.. فى ضمير النول.

ماتخافش على مصر يابا.. مصر محروسة

حتى من الطُّغمة دى اللى فينا.. مدسوسة

ولو انت ابوها بْصحيح.. خايف عليها قوى

تركتها ليه بدن.. بتنخره السوسة؟

■ ■ ■

وبيسرقوك يا الوطن.. قدامنا.. عينى عينك

ينده بقوّه الوطن، ويقوللى: «قوم فينك»؟

ضحكت علينا الكتب، بِعْدت بِنا عنك

لولا ولادنا اللى قاموا يسددوا دينك.

لكن خلاص يا وطن.. صحيت جموع الخلق

قبضوا على الشمس بإيديهم وقالوا: لأ

م المستحيل يفرطوا عُقد الوطن تانى

والكدب تانى.. محال.. يلبس قناع الحق!

■ ■ ■

بكل حُب الحياة.. خوَّض فى دم أخوك

قول: «إنت مين؟» للى باعوا حلمنا وباعوك

أهانوك، وذلوك، ولعبوا قمار بأحلامك

نيران هتافك.. تحرر صاحْبك الممسوك.

■ ■ ■

يرجع لها صوتها.. مصر، تعود ملامحها

تاخد مكانها القديم، والكون يصالحها

عشرات سنين تسكنوا بالكدب فى عروقنا

والدنيا متقدمه.. ومصر مطرحها!!

■ ■ ■

كتبتوا أول سطور فى صفحة الثورة

وهُمَّ.. عُلَما وخُبرا مداورة ومناورة

وقّعتوا فرعون هرب من قلب تمثاله

لكن «جيوشه» مازالوا يحلموا ببكره.

■ ■ ■

صباح حقيقى ودرْس جديد قوى فى الرفض

أتارى للشمس صوت واتارى للأرض نبض

تانى معاكم.. رجعنا نحب كلمة مصر

تانى معاكم.. رجعنا نحب ضحكة بعض!!

■ ■ ■

من كان يقول ابننا.. يطلع بنا م النَّفق!!

دى صرخة والا غنا.. وده دم والاّ شفق؟

أتاريها حاجة بسيطة الثورة يا اخواننا

مين اللى شافها كده؟ مين أول اللى بدأ؟

مش دول شبابنا اللى قالوا كرهوا أوطانهم؟

لبسنا توب الحداد.. وبْعدنا قوى عنهم..؟

همّ اللى قاموا النهارده يشعلوا الثورة

ويصنّفِوا الخلق: مين عانْهم، ومين خانْهم!!

■ ■ ■

يادى الميدان اللى حضن الفكره.. وصَهرْها

يادى الميدان اللى فتن الخلق وسحرها

يادى الميدان اللى غاب اسمه كتير عنه

وصَبَرْها ما بين عباد عاشقة وعباد كارهه.

■ ■ ■

شباب.. كإن الميدان.. أهله وعناوينه

ولا فى الميدان «نيس كافيه» ولا »كابتشينو«

خُدودُه عرْفوا جَمال النومة ع الأسفلت

والموت عارفهم قوى.. وهمّ عارفينه!!

■ ■ ■

لا الظلم هيّن يا ناس.. ولا الشباب قاصر

مهما حاصرتوا الميدان.. عمره ما يتحاصر.

فكرتنى يا الميدان بزمان وسحر زمان

فكرتنى بأغلى أيام.. فى زمن ناصر!!

■ ■ ■

شايل حياتك على كفك.. صغير السن

ليل بعد يوم المعاناة.. وانت مش بتئن

حملت المحامِل.. وإنت غضّ.. با تعجب

إمتى عرفت النضال؟ إسمح لى حاجة تجن!!

■ ■ ■

أتاريك جميل يا وطن مازلت.. وحتبقى

زال الضباب.. وانفجرت بأعلى صوت: «لأه«

حرّضتنا نبتسم.. ودفعت إنت الحساب

وبنْبتسم.. بس بسمة طالعة بمشقة!!

■ ■ ■

فينك يا صبح الكرامة الا البشر هانوا

وأهل مصر الأصيلة.. اتخانوا واتهانوا

بنشترى العزة تانى.. والتمن غالى

فتح الوطن للجميع.. قلبه وأحضانه!!

■ ■ ■

الثورة فيض الأمل.. وغنوة الثوار

الليل إذا خانه لونه.. يتقلب لنهار

ضج الضجيج بالندا.. إصحى يا فجر الناس

فينك يا صوت الغلابة.. وضحكة الأنفار؟!

■ ■ ■

وإحنا وراهم أساتذة خايبة.. تتعلم

إزاى نحب الوطن.. وإمتى نتكلم

طال الصّدا قلبنا.. ويئسنا من فتحُه

قلب الوطن قبلكم.. كان خاوى ومضلم!!

■ ■ ■

أوّلنا فى الجوْلة.. لسه جولة.. ورا جولة

ده سوس بينخر يا بويا فى جسد دولة

أيوه الملك صار كتابة.. إنما أبداً

لو غَفِّلت عيننا لحظة.. حيقلبوا العُملة.

■ ■ ■

لكنّ خوفى مازال جوه الفؤاد.. يكبش

خوفى اللى ساكن شقوق القلب ومعشش

يقوللى مش راح يسيبوا، ولسه حيقِبُّوا

وحيلاقولهم سِكك.. وبيبان ماتتردش!!

■ ■ ■

وحاسبوا قوى م الديابة اللى فى وسطيكم

وإلا تبقى الخيانة.. منّكم.. فيكم

الضحكة ع البُق.. بس الرك ع النِّيات

فيهم عدوين أشد من اللى حواليكم!!

^^