عاش طنطاوي … عاش عاش
كان متواطئ ، أو غشاش
هيا حياتنا دي تتعاش …
من غير مدفع أو رشاش !
عاش طنطاوي حامي الكل
شكل حياتنا هاتفضل ذل
قامت ثورة زي الفل
بس اتحجزت فالإنعاش
عاش طنطاوي باقي الماضي
عاش المليان … عاش الفاضي
قالوا : شعبنا هوا القاضي
ماتوا الشهدا و ماحكمناش
عاش المجلس … عاشت سينا
اللي ماحسيتهاش يوم لينا
دم ولادنا غالي علينا
بس خسارة راح ببلاش
عاش طنطاوي … عاشت مصر
عاش اللي هايسكن ف القصر
دامت لينا مرارة الصبر
عاش طنطاوي … و احنا بلاش
منقول
ليست هناك تعليقات:
إرسال تعليق