قصة رأس السمكة وذيلها

يحكى أن زوجا لاحظ أن زوجته عندما تطهو  سمكة تقوم بقطع ذيلها ورأسها ، فسألها :

لماذا تقومين بقطع رأس السمكة وذيلها قبل طهيها ؟

فصمتت الزوجة لبرهة ثم تمتمت :

هكذا يتم طبخ السمك .. هذه هي الطريقة .. همم .. لا أدري بالضبط ..

ربما لأني تعلمت ذلك من والدتي !!!

فذهب الزوج إلى والدة زوجته ولا حظ أنها تقوم هي أيضا بقطع رأس السمكة وذيلها قبل طهيها . فسألها في ذلك .

 فصمتت أيضا لبرهة وقالت :

هذه هي الطريقة التي أعرفها وأستخدمها منذ سنوات ... همم .. لا أدري .. ربما لأني تعلمت هذا من والدتي !

كان الفضول لدى الزوج كبيرا ، فأصر على سؤال الجدة حتى يتبين الأمر . وبالفعل وجد فرصة ذات يوم وسأل

الجدة : لاحظت يا جدتي أن ابنتك وحفيدتها تقومان بقطع رأس السمكة وذيلها قبل طبخها .. وهما تقولان إنهما

تعلما ذلك منك . فهل هذا صحيح ؟

فردت عليه باسمة :

نعم .. الأمر بسيط ، لقد كانت مقلاتي صغيرة ، فلم أجد حيلة سوى أن أفعل ذلك !!!!

تعليقي على هذه القصة

أن بعض الناس يفعلون الشيء ليسوا مقتنعين به  ولكنهم يفعلونه لأن غيرهم يفعله ظنا منهم أنه صحيح

سقوط النيازك في المناطق غير المأهولة يثير دهشة العلماء

النيازك تحيط بالأرض من كل جانب وتضرب سماء الأرض وتخترقها ولكنها تسقط في الأماكن غير المأهولة... لماذا؟....

  

هذه صورة لنيزك يخترق الغلاف الجوى بتاريخ 15 / 10 / 2009 مثل هذه الكرة النارية تتساقط باستمرار على مناطق مختلفة من الأرض، ويقول العلماء إنها غالباً ما تسقط فوق مناطق غير مأهولة. حيث تسقط كل فترة كرة نارية ملتهبة بالقرب من المناطق المأهولة ولكنها غالباً لا تؤذي أحداً.

وسبحان الله طرحت هذا السؤال: لماذا تختار هذه الحجارة الحارقة أماكن غير سكنية؟ ومن الذي يتحكم بحركتها ومن الذي يحدد مكان سقوطها؟ طبعاً هناك قوانين فيزيائية تحكم كل هذا، ولكن هذه القوانين هي بيد الله تعالى، وهو الذي يحدد مسارها.

لنتأمل هذه الآية الكريمة: (وَعِنْدَهُ مَفَاتِحُ الْغَيْبِ لآ يَعْلَمُهَا إِلا هُوَ وَيَعْلَمُ مَا فِي الْبَرِّ وَالْبَحْرِ وَمَا تَسْقُطُ مِنْ وَرَقَةٍ إِلا يَعْلَمُهَا وَلا حَبَّةٍ فِي ظُلُمَاتِ الْأَرْضِ وَلا رَطْبٍ وَلا يَابِسٍ إِلا فِي كِتَابٍ مُبِينٍ) [الأنعام: 59]. ولو شاء لأسقط هذه الحجارة على البشر ولكنها رحمة الله بعباده فهو القائل: (قُلْ هُوَ الْقَادِرُ عَلَى أَنْ يَبْعَثَ عَلَيْكُمْ عَذَابًا مِنْ فَوْقِكُمْ أَوْ مِنْ تَحْتِ أَرْجُلِكُمْ أَوْ يَلْبِسَكُمْ شِيَعًا وَيُذِيقَ بَعْضَكُمْ بَأْسَ بَعْضٍ انْظُرْ كَيْفَ نُصَرِّفُ الآيَاتِ لَعَلَّهُمْ يَفْقَهُونَ) [الأنعام: 65].

إن هذه النتيجة تدل على أن العملية لا تحدث بالمصادفة ولو كان الأمر كذلك لما استطاعت هذه النيازك التمييز بين المناطق المأهولة أو غير المأهولة، ولكن الله تعالى الذي خلق هذه الحجارة وقدر لها أن تسبح في الفضاء وقدر لها أن تدخل الغلاف الجوي، هو الذي سخر لنا سماء لتحفظنا من شر هذه النيازك! والحقيقة هذه الظاهرة والتي تثير عجب العلماء لا تثير العجب لدينا نحن المسلمين لأننا نعلم أن الله تعالى هو الذي سخر كل شيء لخدمتنا، وليست المصادفة المزعومة.

ومن هنا يمكن أن نقرأ هذه الآية قراءة جديدة عسى أن ندرك نعمة الله ونشكره عليها، فهو القائل:

 (وَجَعَلْنَا السَّمَاءَ سَقْفًا مَحْفُوظًا وَهُمْ عَنْ آَيَاتِهَا مُعْرِضُونَ) [الأنبياء: 32].

مخاطبة بين الحفيدة والجدة سنة 2052

.:: اللهم صل وسلم وبارك على نبينا محمد وعلى آله وصحبه وسلم تسليما كثيرا ::.

المكان أحد أحياء القاهرة

الزمان يوم من أيام صيف عام 2052

حفيدة في سن المراهقة (12 سنوات) تجلس مع جدتها (70 سنة) ويدور بينهما هذا الحوار:

--------------------------------------------------------------------------------

الحفيدة: تيته ميرو إزيك..بقى لي زمان ما قعدتش معاكي

الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة تسليني

الحفيدة: ومابتفتحيش الدش ليه يا تيته

الجدة: التليفزيون بقى ممل خالص مافيهوش غير 9700 محطة بس.وأنا كمان ما بعرفش أغير المحطات

الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي ياتيته

الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد القديمة بتاعتنا

الحفيدة : أيوه بس مش حاسة إنك مخنوقة وانتي لابساه؟

الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام زمان لما كنا نلبس البادي اللي مبين البطن والظهر بس، مع البنطلون السترتش الجلد …كانت حاجة آخر روشنة

الحفيدة : ياه يا تيته.. ده انتوا كان ليكم تقاليد غريبة خالص

الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة: معقول يا تيته؟ للدرجة الفظيعة دي؟

الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول..يعني الجيبة كان ما يقلش طولها عن شبر وربع .. وكانوا الستات يلبسوا فوقيها بلوزة باستمرار ..مش زي دلوقتي حسبي الله ونعم الوكيل

الحفيدة : يا خبر .. وإيه كمان ياتيته

الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن، حسبي الله ونعم الوكيل

الحفيدة : وبعدين ياتيته

الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها طعم عن دلوقتي، يا سلام لما كنا نحطها في الووكمان ونعلقها في حزام البنطلون كده ونمشي في الشارع كده، كانت أيام جميلة. حسبي الله ونعم الوكيل

الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى المدرسة لأنه بايت معايا في الأودة من امبارح ..أصل الإنسان الآلي بتاع الصحيان بايظ ولازم نصلحه النهاردة

الجدة: طيب ياحبيبتي روحي

(بعد عدة دقائق)

الحفيدة: هيه يا تيته.. وبعدين

الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي دلوقتي، وكانت الشوارع أيامها فاضية يعني كانت إشارة المرور تقعد ساعة إلا ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل

الحفيدة : 70 مليون بس؟

الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

الحفيدة : ما هو علشان كده الجواز على أيامكم كان سهل خالص، إحنا بقى خلصنا من العُقد دي

الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً، طب ده باباها كان ممكن ساعتها يخاصمها

الحفيدة : ياي ده انتوا كنتوا متزمتين خالص ياتيته

الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان أهل الفن محتشمين جداً وكانوا دايماً يطلعوا بالمايوهات البيكيني، والمذيعات كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم دي أيام.. فكرتيني بالذي مضى حسبي الله ونعم الوكيل

(تمسك الجدة بتليفون محمول في حجم علبة الكبريت)

الحفيدة : ح تكلمي مين يا تيته

الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

الحفيدة: (تنهض من مكانها) تشاو سي يو تيته

الجدة: سي يو

وبعد مرور عدة ساعات انتابت الجدة خلالها غيبوبة بسبب الشيخوخة

و في المساء دار هذا الحوار بين الجدة والحفيدة:

الجدة: إنتي كنتي فين يا فتفت؟

الحفيدة :أصل إحنا أخدنا الولد من الحضانة ..

الجدة : ولد ولد إيه اللي أخدتوه من الحضانة؟

الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل

الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً عملتها ونفعت

الجدة : مشكلتي إني ما باعرفش أزعل منك يا فتفت يا عفريته ..وسميتوا المحروس إيه بقى

الحفيدة : سميناه (دوت كوم) ..

الجدة : نعم . دوت كوم؟ نظام هاي تك بقى؟ يعني لما تعوزي تنادي له تدوسي (إنتر) ولا إيه بالضبط ؟

الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له أدوس إنتر .. ولما أحب أقول له روح أودتك أدوس (ألت و إف4)

الجدة: وأخدتوه من الحضانة وديتوه فين بقى؟

الحفيدة : وديناه النادي الصهيوني بتاع الحي

الجدة : النادي الصهيوني بتاع الحي؟

الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة الزراعة وده بيعلم الأطفال حاجات ظريفة خالص ومصاريفه رخيصة جداً وبعدين الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل (ميدو يوسف والي) وزير الزراعة ده راجل متفتح قوي. هه، أفتح لك التليفزيون يا تيته عشان تشوفي نشرة الأخبار

الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر صوت مذيعة مصحوبا بلقطات للأنباء تقول:

المذيعة : هاي شلة إليكم عناوين الأخبار

- أمريكا ترصد 25 مليار دولار لرأس تامر بن محمد بن أسامة بن لادن المتهم الأول في تفجير قصر السفير الأمريكي في أفغانستان

- واشنطن تتهم ليبيا بتفجير سفينة فضاء فوق كوكب المريخ

- وزير الاقتصاد د. فريد يوسف بطرس غالي يصرح: إعدام الفقراء هو الحل لخروجنا من عنق الزجاجة

- موافقة مجلس الشعب أخيرا على خصخصة معبد الكرنك

أخبار عربية:

- زهوة ياسر عرفات تطالب بانسحاب إسرائيل حتى حدود عام 2030، وإعلان الدولة الفلسطينية في مايو المقبل

- سيريلانكا والفلبين تطرد خمسة آلاف خادمة كويتية

- إسرائيل ترفض الإنسحاب من البصرة إلا بعد ضمان أمن مستوطناتها في بغداد

- اشتباكات على الحدود الإسرائيلية المغربية

أخبار الفن

- زفاف المطربة صباح على حفيد الفنان الراحل راغب علامة

- رئيس قطاع الإنتاج لم يستقر بعد على بطلة فوازير رمضان ويعقد إجتماع مع السيدة توتي محمد صفوت الشريف وزيرة الإعلام الجديدة لمناقشة هذه القضية

- الفنان محمد هنيدي يهاجم نجوم الكوميديا الجدد

المذيعة: فينيش باي

الجدة: لأ بقى حسبي الله ونعم الوكيل فيكم فعلا (يغمى عليها)

الحفيدة : تيته..تيتة

قصيدة من زوج لزوجتة المخلصة

وانا قاعد بقلب فى صفحات الفيس بوك كالعادة يعنى

شفت كلمات شعر حلوة جدا جدا كان كاتبها شاب بيوضح فيها ازاى اختار شريكة حياته

فعجبتنى جدا جدا قلت انقلها ليكم علشان نشوف كلنا مع بعض الشاب ده فكر ازاى؟؟؟؟؟

اسيبكم مع الكلمات بقى مش هنعطلكم كتييييير

حبيتك لإلتزامك . . . . . . . . . . . . حبيتك لاحترامك

حبيت فيكي التواضع . . . . . . . . . . . . والعزة اللي ف كلامك

مبسوط منك لأنك . . . . . . . . . . . . إسلامك كل همك

أنا أصلي قابلت بابا . . . . . . . . . . . . وداني فكرة عنك

وسألته عن طباعك . . . . . . . . . . . . إن كانت يعني هادية

فحكالي عن سماعك . . . . . . . . . . . . لكلامه وانتى راضية

وازاي بتسلي نفسك . . . . . . . . . . . . بذكرك وانتى فاضية

وحلاوة صوت تلاوتك . . . . . . . . . . . . وازاي بتكوني شادية

* * *

وسألته إن كنتي فاهمة . . . . . . . . . . . . معنى كلمة زوجين

قالي هتكونوا ورقة . . . . . . . . . . . . مطبوعة نسختين

غني كنت أو فقير . . . . . . . . . . . . ليك عند بنتي دين

سرك هيكون في بير . . . . . . . . . . . . معرفش مكانه فين

تفضل دايماً كبير . . . . . . . . . . . . في نظرها حبتين

لو جيت بفلوس كتير . . . . . . . . . . . . تطمن جت منين

* * *

هتكون دايماً معاها . . . . . . . . . . . . سيرتك هتكون هواها

والشوق اللي ف خيالك . . . . . . . . . . . . تلقاه لحظة لقاها

لو جيت زعلان ف مرة . . . . . . . . . . . . إرمي همومك وراها

ومهما شوفت بره . . . . . . . . . . . . مش هتشوف مستواها

واطمن يابني خالص . . . . . . . . . . . . عقلها مافيهوش تفاهة

وزي ما هي بنتي . . .. . . . . . . . . . بنت حماتها وحماها

* * *
وسألته عن ولادي . . . . . . . . . . . . منك هيكونوا إيه؟

قاللي هيكونوا عادي . . . . . . . . . . . . فسألته يعني إيه؟!

قاللي العادي إللي كان . . . . . . . . . . . . عند الناس من زمان

العادي بتاع سراقة . . . . . . . . . . . . وحذيفة بن اليمان

العادي بتاع أسامة . . . . . . . . . . . . وابن الحكيم لقمان

ده العادي بتاعنا إحنا . . . . . . . . . . . . بنربي عليه عشان

لو جينا ولا رحنا . . . . . . . . . . . . هنقابل الرحمن

عمرك ما تخاف عليهم . . . . . . . . . . . . ولادك في الأمان

أنا بنتي هتربيهم . . . . . . . . . . . . ع السنة والقرآن

هتشوف ابنك بيصحى . . . . . . . . . . . . مادام سمع الأذان

ينزل في الفجر يقرا . . . . . . . . . . . . بالسجدة والانسان

هتشوف في حجاب بناتك . . . . . . . . . . . . العفة والإحسان

هتشوف إزاي مراتك . . . . . . . . . . . . هتعينك إنت كمان
* * *

وسألته عن حياتك . . . . . . . . . . . . من قبل الالتزام

قال أتذكر في ليلة . . . . . . . . . . . . مش فاكر أنهي عام

أذان الفجر أذن . . . . . . . . . . . . وقالتلي سيبني أنام

فدخلت الأوضه جوه . . . . . . . . . . . . أجيب منها الحزام

وعقبال ما رجعت تاني . . . . . . . . . . . . كات رجعت ف الكلام

الله يجازي الشيطان . . . . . . . . . . . . خلاها تقول أنام

بس اطمن خلاص . . . . . . . . . . . . دلوقتي بقت تمام!

* * *

قلتله طيب ياعمي . . . . . . . . . . . . يسعدني أقولك إني

بطلب بنتك ونفسي . . . . . . . . . . . . تناسبني وترضى عني

راح شادد فجأه لبسي . . . . . . . . . . . . وقلب وشه وسألني

* * *

حافظ كم جزء يابني . . . . . . . . . . . . وقاري كم كتاب

احكيلي كده عن مؤتة . . . . . . . . . . . . أوغزوة الأحزاب

وسمع كم حديث . . . . . . . . . . . . في الأخذ بالأسباب

وكمان سمعلي آيه . . . . . . . . . . . . ذكرت فيها الدواب

ولو شايفها صعبة . . . . . . . . . . . . قللي بتاعة الذباب

واحكيلي حلم يوسف . . . . . . . . . . . . وبراءة الذئاب

واخواته لما جولوه . . . . . . . . . . . . دخلوا من أنهي باب

واديني فكرة برضه . . . . . . . . . . . . بتقبض كم ثواب

وناوي ازاي تحسن أنا شايفك لسه شاب
* * *

وسأل نفسه وسألني . . . . . . . . . . . . هيعوز إيه يعني مني؟

لو عندي كل حاجه . . . . . . . . . . . . وديني مش شاغلني

أحسن لك تنسى بنتي . . . . . . . . . . . . ومهرك مش لازمني

قلتله صبرك ياعمي . . . . . . . . . . . . وبراحتك امتحني

يبقى اما أسأل تجاوب . . . . . . . . . . . . خليك دايماً فاهمني

سألتك وانت ساكت . . . . . . . . . . . . خليتني أظن ظني

وفضل يسأل واجاوب . . . . . . . . . . . . وعشان خاطرك عصرني

وظهرت النتيجة .. . . . . . . . . . . . وبفضل الله قبلني

* * *

قاللي مقبول في نظري . . . . . . . . . . . . مبروك عليك ياسيدي

لكن في نظرها هي . . . . . . . . . . . . نجاحك مش بإيدي

وهي زمانها راجعة . . . . . . . . . . . . من تمرين السويدي

خليك قاعد شوية . . . . . . . . . . . . استنا لما تيجي

هعملك من إيديا . . . . . . . . . . . . كباية شاي صعيدي

* * *

سابني وقعدت أفكر . . . . . . . . . . . . هل ممكن ترفضيني

طاب قولي حتى أفكر . . . . . . . . . . . . مش يمكن تفهميني

وفضل مخي يلاعبني . . . . . . . . . . . . يجيبني ويوديني

وخايف م المقابلة . . . . . . . . . . . . مرعوب بينك وبيني

ودق الباب في ثانية . . . . . . . . . . . . وشوفتك مرة تانية

مش قادر أنسى يومها . . . . . . . . . . . . وفاكر كل ثانية
* * *

ونده والدك عليكي . . . . . . . . . . . . عشان أول لقاء

دخلتي وشوفت وشك . . . . . . . . . . . . عليه نور الحياء

نور والله فعلاً . . . . . . . . . . . . مش نور بودرة وزواء

كان أول مرة أخاف . . . . . . . . . . . . من فتنة النساء

أخلاقك مش عادية . . . . . . . . . . . . وجمالك كان شفاء
* * *

قعدتي جنب والدك . . . . . . . . . . . . وسألتيني وجاوبتك

وفكل مرة أجاوب . . . . . . . . . . . . كنت باشوف ابتسامتك

ف أقول من جوه نفسي . . . . . . . . . . . . يارب أكون عجبتك

وبعد شوية قمتي . . . . . . . . . . . . ندهت عليكي مامتك

ورحتي دخلتي جوه . . . . . . . . . . . . وراح وراكي والدك

وانا قلت مش مروح . . . . . . . . . . . . غير لما أكون خطبتك

* * *

وابوكي جاني تاني . . . . . . . . . . . . وقرب من وداني

لابس كرفته سوده . . . . . . . . . . . . وبدله لون فراني

المنظر يعني كله . . . . . . . . . . . . ميدلش ع التهاني

قلتله مالك ياعمي . . . . . . . . . . . . من فضلك قول عشاني

عرقي غرقلي كمي . . . . . . . . . . . . سايبني ليه أعاني

قاللي مستني إيه . . . . . . . . . . . . فين إيدك إديهاني

البنت مش موافقة . . . . . . . . . . . . تتجوز حد تاني
* * *

كان أول مرة أعرف . . . . . . . . . . . . إزاي الناس بتفرح

سعادتي كات غريبة . . . . . . . . . . . . مش ممكن هقدر أشرح

من كتر حبي ليكي . . . . . . . . . . . . نويت أضحي وادبح

رحت اشتريت خروف . . . . . . . . . . . . وكان خروف بينطح

ده أخيراً هبقى جوزك . . . . . . . . . . . . وشجرة صبري تطرح
* * *

خطوبتنا كات بسيطة . . . . . . . . . . . . مكانش فيها زيطة

وفرحنا كان في جامع . . . . . . . . . . . . يعني مش خلطبيطة

ومامتك جت في يومها . . . . . . . . . . . . ورقعت كام سويطة

هاتولي بنتي منه . . . . . . . . . . . . دي مش فاهمة العبيطة

إنه هيخطفها مني . . . . . . . . . . . . وهتوحشني الغتيتة
* * *

صعبت عليا مامتك . . . . . . . . . . . . الموقف كان شديد

لكن فعلاً خطفتك . . . . . . . . . . . . ورحنا مكان بعيد

فاكرة ولا انتي ناسية . . . . . . . . . . . . أكيد فاكرة أكيد

من يوم ما بقيتي زوجتي . . . . . . . . . . وانا متهني وسعيد

معايا ف كل يوم . . .. . . . . . . . . . ويوم لؤاكي عيد

عمرك ما دقتي نوم . . . . . . . . . . . . وانا تعبان أو مريض

فلوسي كات بتكتر . . . . . . . . . . . . والخير عندك يزيد

وعامله ليه دفتر . . . . . . . . . . . . ومرتبه المواعيد

وبفضل الله قدرتي . . . . . . . . . . . . وجبتيلي الوليد

وبعديها بشوية .. . . . . . . . . . . . جبتيلنا عليه يزيد

وبعديه جت سمية . . . . . . . . . . . . وآخرهم كان حميد

بدعيلك كل يوم . . . . . . . . . . . . وأفضل أعيد وازيد

ربيتي عيالي دول . . . . . . . . . . . . ع القرآن المجيد

طول عمرك وانتي صافية . . . . . . . . . . . . قلبك لون الجليد

أخلاقهم مش عادية . . . . . . . . . . . . طلعنلك مش بعيد

وليد دلوقتي ضابط . . . . . . . . . . . . ومعاه رتبة عقيد

ودعوة قلبي صابت . . . . . . . . . . . . ويزيد أهو مات شهيد

وبنتك صيدلية . . . .. . . . . . . . . وحميد أصبح معيد

الله برحم أبوكي . . . . . . . . . . . . راجل من نوع فريد

كل اللي قاله فيكي . . . . . . . . . . . . أنا عشته بالتحديد
* * *

عشت معاكي ف حكاية . . . . . . . . . . . . أحلى وأجمل رواية

حكايتي كات معاك . . . . . . . . . . . . وحكايتك كات معايا

اديتك كل عمري . . . . . . . . . . . . وهمك كان رضايا

وعمرك خدته منك . . . . . . . . . . . . وقربك كان دوايا

وخلاص العمر راح . . . . . . . . . . . . راحت أيام صبايا

ومسافر رحله صعبة . . . . . . . . . . . . وزادي مش كفايه

مش عاوز أشوف دموعك . . . . . . . . . . بالذات ف يوم عزايا

أنا عارف إنتي عارفة . . . . . . . . . . . . إن الموت مش نهاية

دي لسة الرحلة طالعة . . . . . . . . . . . . والموت خط البداية

إدعيلي يمكن أوصل . . . . . . . . . . . . وأشوف هناك حمايا

أنا عارف إنه فيها . . . . . . . . . . . . محجوزله هناك سرير

وسلامي في النهاية . . . . . . . . . . . . أنا خلصت الحكاية

لو يوم فكرتي فيا . . . . . . . . . . . . إقري شعري وغنايا

وأمانه ف كل مرة . . . . . . . . . . . . تدعي لي بالهداية

عسى ربي بدعائك . . . . . . . . . . . . يغفر ليا الخطايا

يوميات زوج طالع عين امو

دي حكايه عن زوج و زوجته و صاحب تاكسي

مره مراتى جت وقالتلى
قوم فسحنى بسرعه اوام
قلت ف نفسى واللهى فرصه
اخلص منها وارجع انام
راحت مشاوره لسواق تاكسى
سابتنى ورا وركبت قدام
السواق بصلها اتعكنن
طول السكه يقول ف كلام
مش فهماه بس انا فاهمه
واسمع منه واقول ياسلام
نفسى اقوله مره ف عمرى
وتسمعه منى الست مدام
كله شتيمه وتف ونف
وضرب بوانى شلاليت واقلام
دى قرفانى والله ف عيشتى
ومطلعه عينى سنين وايام
سيبنا التاكسى وروحنا الممشى
قلت اتفسح انا وياها
ماشى ورانا شويه صييع
وهات تأ ليس ع الست بتاعتى
ياواد ياتقيل ياتخين ياملظلظ
وانا مطنش ابص ف ساعتى
ماشيه معايا م الغيظ هتفرقع
م التئليس وكلام الصييع
راحت باصه أوام ف وشاشهم
سابو الممشى وهربو بسرعه
والله زعلت شويه جبناء
ضيعوا منى ماتش مصارعه
سبنا الممشى دخلنا المطعم
راحت طالبه بسرعه كوارع
غير الفته وطبق الشوربه
وفضلت تاكل وبتتصارع
خبط ورزع فوق الترابيزه
وهات تخبيط بماسوره الكارع
اتلموا علينا زباين المطعم
وكمان ناس كانت ف الشارع
قلت ياناس دا مافيش حاجه
دا طقم اسنان محشور ف الكارع
سبنا المطعم روحنا السينما
وجابت لب لبان وسودانى
وهات طرقعه ف لبان وتقزقز
وترمى القشر فى قفا قدامى
وقبل الفيلم العربى ما يبدأ
سمعت صوت هيهد ودانى
راحت نايمه وهات ياشخير
واتلمو علينا الناس من تانى
وادى حكايه الست بتاعتى
ودى اول مره واخر مره
راح اتفسح تانى معاها

لكل من يبحث عن السعادة

نصيحتي لكم هو قراءة هذا المقال بكل تمعن ولن تندموا

(1)
نحن نقنع أنفسنا بأن حياتنا ستصبح أفضل بعد أن نتزوج ..

نستقبل طفلنا الأول .. أو طفلاً أخر بعده ,
ومن ثم نصاب بالإحباط لأن أطفالنا مازالوا صغاراً
ونؤمن بأن الأمور ستكون على ما يرام بمجرد تقدم الأطفال بالسن .
ومن ثم نحبط مرة أخرى لأن أطفالنا قد وصلوا فترة المراهقة الآن
ونبدأ بالإعتقاد بأننا سوف نرتاح فور إنتهاء هذه الفترة من حياتهم .
ومن ثم نخبر أنفسنا بأننا سوف نكون في حال أفضل عندما نحصل على سيارة جديدة ،

ورحلة سفر وأخيراً أن نتقاعد!

( 2 )

الحقيقة أنه لا يوجد وقت للعيش بسعادة أفضل من الآن ,
فإن لم يكن الآن ، فمتى إذن ؟
حياتك مملوءة دوماً بالتحديات
ولذلك فمن الأفضل أن تقرر عيشها بسعادة أكبر على الرغم من كل التحديات .
كان دائماً يبدو بأن الحياة الحقيقية هي على وشك أن تبدأ .
ولكن في كل مرة كان هناك محنة يجب تجاوزها ,
عقبة في الطريق يجب عبورها ،
عمل يجب إنجازه ،
دَينٌ يجب دفعه ،
ووقت يجب صرفه ، كي تبدأ الحياة

( 3 )

ولكني أخيراً بدأت أفهم بأن هذه الأمور كانت هي الحياة .
وجهة النظر هذه ساعدتني أن أفهم لاحقاً بأنه لا وجود للطريق نحو السعادة .
السعادة هي بذاتها الطريق , ولذلك فاستمتع بكل لحظة

( 4 )

لا تنتظر أن تنتهي المدرسة ، كي تعود من المدرسة ،
أن يخف وزنك قليلا ، أن تزيد وزنك قليلا ،
أن تبدأ عملك الجديد ،
أن تتزوج ،
أن تبلغ نهاية دوام الأربعاء ، أو صباح الجمعة ،
أن تحصل على سيارة جديدة ،
على أثاث جديدة ،
أن يأتي الربيع أو الصيف أو الخريف أو الشتاء ،
أو تحل نهاية الشهر أو شهر الإجازة ،
أن يتم إذاعة أغنيتك على الراديو ،
أن تموت ، أن تولد من جديد ..
كي تكون سعيداً

( 5 )

السعادة هي رحلة وليست محطة تصلها
لا وقت أفضل كي تكون سعيداً أكثر من الآن
عش وتمتع باللحظة الحاضرة

( 6 )

الآن فكر و أجب على هذه الأسئلة
1 - ما أسماء الأشخاص الخمسة الأغنى في العالم ؟
2 - ما أسماء ملكات جمال العالم للسنين الخمس الماضية ؟
3 - ما أسماء حملة جائزة نوبل للسنين العشر الماضية ؟
4 - ما أسماء حملة الأوسكار كأفضل ممثل للسنين العشر الماضية ؟

لا تستطيع الإجابة ؟ إنها أسئلة صعبة أليس كذلك ؟
لا تخف ، لا أحد يتذكرهم جميعاً .
التهليل .. يموت ويختفي ويضمحل
الجوائز .. يسكنها الغبار
الفائزون .. يتم نسيانهم بعد فترة قصيرة

الآن أجب عن هذه الأسئلة

1 - أعط أسماء ثلاثة أساتذة أثروا عليك في حياتك الدراسية .
2 - أعط أسماء ثلاثة أصدقاء وقفوا معك في وقت شدتك .
3 - فكر في بعض الأشخاص الذين جعلوك تفكر بأنك شخص مميز .
4 - أعط أسماء خمسة أشخاص يعجبك قضاء وقتك معهم .

هذه الأسئلة أسهل من تلك ، أليس كذلك ؟

الأشخاص الذين يعنون لك شيئاً في الحياة ،
لا أحد ينعتهم بأنهم الأفضل في العالم ،
ولم يفوزوا بالجوائز وليسوا من أغني أغنياء العالم .
هؤلاء هم الذين يهتمون لك ويعتنون بك ،
ويتحدون الظروف للوقوف إلى جانبك وقت الحاجة

( 7 )

فكر بهذا للحظة
الحياة قصيرة جداً
وأنت إلى أي مجموعة من المجموعتين أعلاه تنتمي ؟
دعني أساعدك ...
أنت لست من ضمن الأكثر شهرة في العالم ،
ولكنك أحد الأشخاص الذين تذكرتهم عندما رغبت بكتابة هذا المقال لهم .
في إحدى المسابقات في ( أولمبياد سياتل )
كان هناك تسعة متسابقين معوقين جسدياً أو عقلياً ،
وقفوا جميعاً على خط البداية لسباق مئة متر ركض .
وأنطلق مسدس بداية السباق ،
لم يستطع الكل الركض ولكن كلهم أحبوا المشاركة فيه .
وأثناء الركض إنزلق أحد المشاركين من الذكور ،
وتعرض لشقلبات متتالية قبل أن يبدأ بالبكاء على المضمار .
فسمعه الثمانية الآخرون وهو يبكي .
فأبطأوا من ركضهم وبدأوا ينظرون إلى الوراء نحوه .
وتوقفوا عن الركض وعادوا إليه .. عادوا كلهم جميعاً إليه .
فجلست بجنبه فتاة منغولية ، وضمته نحوها وسألته : أتشعر الآن بتحسن ؟
فنهض الجميع ومشوا جنباً إلى جنب كلهم إلى خط النهاية معاً .
فقامت الجماهير الموجودة جميعاً وهللت وصفقت لهم ، ودام هذا التهليل والتصفيق طويلاً .
الأشخاص الذين شاهدوا هذا ، مازالوا يتذكرونه ويقصونه ... لماذا ؟
لأننا جميعنا نعلم في دواخل نفوسنا بأن الحياة هي أكثر بكثير من مجرد أن نحقق الفوز لأنفسنا ..

( 8 )

الأمر الأكثر أهمية في هذه الحياة هو أن نساعد الآخرين على النجاح والفوز ، حتى لو كان هذا معناه أن نبطئ وننظر إلى الخلف ونغير اتجاه سباقنا نحن
إذا أرسلنا هذه الكلمات لآخرين فربما يساعدنا ذلك على تغيير قلوبنا وقلوب غيرنا

إزاى بنحب ؟

ازاى بنقابل ناس تخطفنا من نظرة عين؟ وازاى قلوبنا بتتشد ليهم و كاننا عاشقنهم من سنين؟ وازاى روحنا بتستنى لقاهم ولو حتى استنت ايام وسنين؟ وازاى حياتنا فجاة بتتغير بيهم واحنا مش حاسين؟ وازاى بنبنى احلامنا عليهم و نتمنى لو تكون احلامنا حقيقة نكون فيها عايشين؟ ياترى ده اوهام وكلام اغانى ولا دى قوة موجودة فعلا بتشد كل روحين؟ بس الحب عمره ماكان كلام اغانى الحب ده نعمة و هبة ربنا بيحطها فى كل قلبين. نعمة عمرها ماتتوصف بكلام واحساس بيهز كل كيان شعور بيخلى للدنيا شكل وطعم تانى بس بنخاف كل ما تمر عليه الثوانى. بنخاف عليه من الزمن والفراق لانهم اقوى حاجة ممكن تكسرنا فى ثوانى و تخلينا عايشين ومش عايشين وكاننا فى دنيا او فى عالم تانى. بس اكيد لو اللى جوانا ده حب بجد يبقى هيكون اقوى من اى فراق او اى عذاب تانى لاننا لو بنحب بعض بصدق هنكون قادرين بصبر ربنا لينا على فراق الجنة ديا عشان نروح جنة تانية جنة عمرها ما تخيلتها عين ولا عمرها خطرت على قلب بشر جنة هنكون فيها عايشين ودايما و ابدا هنكون مبسوطين ومتهنين.

فى العربية أنا شفت

فى العربية انا شفت
شفت سولق ماسك سيجارة ومشغل تسجيل
ولابس سلسله وشعره طويل
ومطول قنه ورابط على ايده منديل
شعره علىالموضه واخر ترويشه
ومشغل اغنيه حجرين على الشيشه
عمال يجرى بسرعه ويفوت
ميهموش من عاش ومين هيموت
كل همه انه يخلص الدور
ما هو داير فى الساقيه زى الثور
والله معذور

فى العربيه انا شفت
تباع زى البتاع واقف
بينادى امبابه ومن اللجنه خايف
عمال شيب ومن العربيات مش شايف
اصل السواق مهوش ترخيص
شايلنا كده زى البلاليص
تباع بيعاكس فى البنات
مرحمش واحده من الستات
تباع زى البتاع فعلا


فى العربيه انا شفت
واحد فرفور
امور كده وغندور
بيقلد مطرب مشهور
رافع شعره ومبين ضهره
ولافى شيىء فى الدنيا قهره
المهم انه يسقط البنطلون
ميهموش بعد كده ايه هيكون
مقضيها مع كل البنات
بيبع ويالف احلى الحكايات
نسى انه عنده اخوات
المهم انه يقلد مطرب الجيل
ويكون منه نسخه تفصيل
انسان مريض ملوش شخصيه
نسى مستقبله ومعنى المسئوليه

فى العربيه انا شفت
شفت واحد بيفكر فى مراته
قد ايه خيبته فى حياته
واحبطط كل احلامه وامنياته
عمال يفكر ميرجعش البيت
ويخرج ويظبط الظبابيط
عمال بيفكر فى طلباتها الكتير
عايزاه شغال زىى الحمير
وللطاحونه يكون اسير
بيفكر فى مراته اللى مبتقدرش
وفى غير نفسها مبتفكرش
زى الحجر مبتتاثرش
هات هات اخص عليها
لاقيته بينفخ ويلعن فيها
ويلعن اليوم اللى ارتبط فيه بيها
شكله بقى فى الستين
مع انه فى التلاته والتلاتين
والله ده مسكين

فى العربيه انا شفت
شفت واحده قاعده جنب الشباك
عماله تبص هنا وهناك
عامله فى وشها تغيير
يمكن تلاقى حد فيها اسير
نفسها يجيلها اى عريس
كريم طيب او حتى خبيث
هى عايزه وخلاص تتجوز
ميهماش هتفرح ولا هتبووز
مش فارق معها الشخصيه
المهم الشقه والمهيه
مش يتفكر فى المسئوليه
عايزه جوز وخلاص
راجل او حتى بلاص
على فكرة المكياج مش تغييير
والجواز ده امر يسير
بس التفكير كده عيب
كل حاجه قسمه ونصيب

فى العربيه انا شفت
شفت واحده قاعده فى نص الكراسى
شكلها هاديه وعقلها راسى
عينها بتلف وتدور
مانعها عن حلمها الف سور
شفت معها بنت ولد
ابوهم سابهم فى كبد
اصل البيه صاحب كيف
الكيف عنده اهم من الرغيف
وايه كمان فى القمار حريف
حياتها بقت كابوش مخيف
واهلها فى الطراوه زى الحلاليف
وفجــأه لاقيت دمعه نزلت من عينيها
ساعتها كان نفسى امسك ايديها
واطيب خاطرها واهون عليها
اهون عليها سوء الاختيار
واقول لها ترضى بالاقدار
والله انا بقيت محتار

فى العربيه انا شفت
ناس فى الكنبه الورانيه
بيضحكوا ويخططوا لليله ديه
اصلهم ماسكبن علبه مستخبيه
وطلعوا منها حاجه بنيه
قال هتخلى لليلتهم ميه ميه
وهتخلى حياتهم ورديه
بيصرفوا عليه كل المهيه
بيهربوا بالنى من المسئوليه
خلاص بقى ليه عندهم الاولويه
حياتهم كلها بقت حشيش
حياتهم من غيره متمشيش
الدنيا كلها عندهم كيف
اهم عندهم منالرغيف
والله ده شيىء مخبف
فى العربيه انا شفت
شفت نفسى قاعد بعيد
مرة حزين ومره سعيد
شفت نفسى واحد متغيير من همه
ناسى نفسه بيفكر فى ابوه وامه
تعبان فى لدنيا ومحتار
من حته لحته زى الطيار
بيلف فى الصاقيه زى الثور
بيدور لنفسه على اى دور
قلبه نسى معنى الافراح
من يوم ما طعم الحب راح
شفت على خدى شويىه دموع
نزلوا غصب عنى من قلبى الموجوع
نزلوا منى كده فى العربيه
وانا ولا بيه ولا عليه
نزلوا عشان التفكير
وعشان لذكرياتى اسير
نزلوا عشان مات القلب
نزلوا عشان ضاع الحب
الهموم بقت زى السموم
سموم بدات فى الانتشار
لقيتنى بفكر فى الانتحار
ولكن
نزلت من العربيه وعرفت
ان الله العلى الغفار
له حكمه فى تسيير الاقدار
حكمه فى الحزن والافراح
والالام والجراح
حكمه فى الحر والاسير
والغنى والفقير
وعظمة حكمته فى النصيب
فهو السميع عالم الغيب

وارتعدت على صوت الاذان وقلت
اللهم لك الحمد على حالى
اللهم لك الحمد على كثير من النعم
اللهم انى نظرت لحال العباد
وجدتنى لغيرى سيد الاسياد
فلك الحمد

فضل عظيم جدا في اية الكرسي

 عن رسول الله - صلى الله عليه وآله - أنّه قال لعليّ (عليه السلام): وعليك بقراء ة آية الكرسي ؛ فإنّ في كلّ حرف منها ألف بركة، وألف رحمة.

عن أبي جعفر (عليه السلام): من قرأ (آية الكرسي) وهو ساجد لم يدخل النار أبداً.

 قال رسول الله (صلى الله عليه وآله): مَن قرأ آية الكرسيّ مائة مرّة ؛ كان كمن عبد الله طول حياته.

قال رسول الله (صلى الله عليه وآله): من قرأ آية الكرسي في دبر كل صلاة مكتوبة، لم يمنعه من دخول الجنة إلا الموت، ولا يواظب عليها إلا صدّيق أو عابد.. ومن قرأها إذا أخذ مضجعه، آمنه الله على نفسه وجاره وجار جاره والأبيات حوله.

   

 قال رسول الله (صلى الله عليه وآله): إذا قرأ المؤمن آية الكرسي، وجعل ثواب قراء ته لأهل القبور ؛، جعل الله - تعالى - له من كل حرفٍ ملكاً يسبّح له إلى يوم القيامة.

ارجومن الله تعالى ان لاتفوتنا هذه الطيبات وامثالها قولوا آآآآآمين

 قال الصادق (عليه السلام): إنّ لكلّ شيء ٍ ذروة ً، وذروة القرآن آية الكرسيّ.

 

لاتنسوني ووالدي من الدعاء

 

إتفاقات دول حوض النيل

- قال هيرووت منذ اكثر من 2000 عام ان مصر هى هبه النيل ولولا النيل ما كانت هناك حضارات عظيمه بمصر عبر الاف السنين

- و حيث ان مصر لا تملك موردا للمياه غير نهر النيل حيث أن حوالى 95% من مصادر المياه المستخدمةهى من نهر النيل

- مساحه بحيره فكتوريا حوالى 70 الف كيلومتر مربع أىأكثر من 7 أضعاف مساحه لبنان و هى ثانى أكبر بحيره مياه عذبه فى العالم و الاكبر فى افريقيا

- يبلغ معدل تدفق المياه فى بحيره فكتوريا سنويا حوالى 20 مليار متر مكعب

اتفاقيات تقسيم المياه بين دول حو النيل العشر

من المعلوم أن كل الدول العشر التى يمر بها نهر النيل تاخذ حاجتها من مياه النيل و بزيادة نظرا لوجود كثير من البحيرات العذبه بها ماعدا مصر و السودان

اذ تحصل السودان على 77% من حاجتها من المياه و تحصل مصر على حوالى 97% من حاجتها من المياه من نهر النيل .

و كل الاتفاقيات التى تمت لتقسيم مياه النيل بين دوله كانت تنص على اشباع حاجه كل الدول التى يمر بها مياه النهر دون المساس بحقوق دول المصب التاريخيه فى هذه المياه

1. اتفاقية روما ابريل 1891 :

وتمت هذه الاتفاقية بين كل من بريطانيا و ايطاليا التى كانت تحتل اريتريا و الطرف البريطانى كان باسم مصر و تعهدت فيها ايطاليا بالامتناع عن إقامه أيه مشروعات على نهر عطبره

2. اتفاقيه اديس ابابا عام 1902:

بين كل من بريطانيا و اثيوبيا ( بريطانيا نيابه عن مصر و السودان ) و تتعهد اثيوبيا بمقتضاه عدم القيام بايه اعمال على النيل الازرق او بحيره تانا او نهر السوباط تؤدى للتاثير على كميه مياه نهر النيل المتدفقه دون اذن من الحكومه البريطانيه

3. اتفاقيه لندن عام 1906 :

بين كل من بريطانيا و فرنسا و ايطاليا ( بريطانبا ممثله عن السودان ) و كذلك حكومه الكونغو الت تلتزم بمقتضاها بعدم اقامه ايه منشات بالقرب او على نهر السمبيكى و نهر التانجو من شانها تقلل من المياه التى تصب فى بحيره البرت بدون موافقه الحكومه السودانيه

4.اتفاقيه روما عام 1925

كل هذه الاتفاقيات كانت تنص على عدم المساس بالحقوق التاريخيه فى مياه النيل و عدم اقامه مشاريع مائيه بتلك الدول من شانها احداث خلل فى مياه النيل او التقليل من كميه المياه التى تجرى فى الاراضى المصريه

لم يكن هذا الانص فى هذه الاتفاقيات حبا فى مصر ولكن كان لكبح جماح الدول الاستعماريه بعضها مع بعض حتى لا تندثر مصر و تذهب ضحيه اتفاق استعمارى

5. اتفاقيه عام 1925 :

بين مصر و بريطانيا التى كانت تنوب عن السودان و اوغنده و تنزانيا و كانت مشابهه للاتفاقات الاخرى و نصت على ( ان لا تقام - دون اتفاق مسبق مع الحكومه المصريه – ايه اعمال كهرومائيه او ايه اجراءات اخرى على نهر النيل او فروعه او البحيرات التى ينبع منها سواء فى السودان او الدول الواقعه تحت الاداره البريطانيه و التى من شانها انقاص مقدار المياه التى تصل الى مصر او تعديل تاريخ و صول هذه المياه او تخفيض منسوبه على ايه وجه يلحق ضررا بالمصالح المصريه كما تنص على حق مصر التاريخى و التاريخى فى نهر النيل )

6.اتفاقيه عام 1959 :

بين كلا من مصر و السودان و وفقا لهذه الاتفاقيه حددت كميه المياه التى تصل مصر مقدار 55 مليار متر مكعب سنويا و 18,5 مليار متر مكعب سنويا للسودان

و سارت الامور على ما يرام حتى نشطت اسرائيل بين الدول الافريقيه و كان من اهدافها تاليب دول حوض النيل على مصر لاسباب عديده منها :-

1.اضعاف مصر

2. اخراج مصر من طوق العرب

3. كما تعمل على تغذيه الحروب الموجوده فى دارفور لزعزعه و تقسيم السودان

4. تطبيق المبدا الذى يعتمد عليه اليهود و هو شد الأطراف حولها بالمشاكل و القلاقل – مبدا فرق تسد –

من هنا بدات كثير من دول الحوض بالانقلاب على الاتفاقيات و المطالبة بالمحاصصه المتساويه أى التساوى فى الحصص مع مصر رغم عدم وجود حاجة الى ذلك اطلاقا و مطالبه مصر و السودان بالدفع مقابل المياه التى تتحرك من بحيره فكتوريا .

كل ذلك بإيعاذ من اسرائيل التى توغلت بشكل مريب جدا فى دول افريقيا خاصه دول حوض النيل بدعوى التصدير أو التعاون الزراعى أو استخراج الالماس كما فى الكونغو


وبعدفشل مباحثات دول حوض النيل في شرم الشيخ امس، في التوصل الى اتفاق إطاري لإعادة تقسيم مياه النهر بطريقة ترضي دول المنبع والمصب، فيما أصرت الأولى على توقيع اتفاق منفرد من دون مصر والسودان، وسط تمسك القاهرة بعدم المساس بحصتها من مياه النيل.
وأصدرت دول المنبع وهي بوروندي والكونغو الديموقراطية وإثيوبيا وكينيا ورواندا وتنزانيا وأوغندا، بياناً رسمياً أكدت فيه أنها ستبدأ في 14 أيار المقبل إجراءات التوقيع على الاتفاقية الإطارية منفردة من دون مصر والسودان، على ألا تزيد مدة إجراء هذا التوقيع عن عام واحد.
ومن المتوقع ان توقع دول المنبع اتفاقية لا تتضمن بنود الأمن المائي، والإخطار المسبق قبل إنشاء تلك الدول مشروعات مائية في أعالي النيل، والموافقة بالإجماع على أي مشروعات، والحفاظ على الحقوق التاريخية لكل من مصر والسودان في مياه النيل.
وذكر البيان الختامي الصادر عن الاجتماع أن «الموقف المصري تجاه المواد العالقة بمشروع الاتفاق الإطاري هو موقف ثابت وراسخ ويقوم على أساس قانوني متين يستمد صلابته من الاتفاقيات القائمة والسارية النفاذ والتي تتفق تماما مع قواعد القانون الدولي».
ورفضت مصر والسودان اتجاه دول المنبع لتوقيع الاتفاق منفردة، وقدمتا فكرة إعلان مفوضية لحوض النيل من خلال توقيع رؤساء دول الحوض، واستمرار المباحثات لحل النقاط الخلافية بين دول المنبع والمصب والتي تتمثل في الأمن المائي والموافقة المسبقة والحقوق التاريخية لمصر والسودان في مياه النيل.
وقال نائب مساعد وزير الخارجية لشؤون دول حوض النيل، رضا بيبرس، وهو المتحدث الرسمي للوفد المصري، إن الموقف الذي اتخذته دول المنبع يعد خارج إطار مبادرة حوض النيل، حيث أن المبادرة أصبح لها وجود قانوني منذ 10 سنوات بموافقة جميع دول الحوض.
وينحصر الخلاف بين دول حوض النيل في ثلاثة بنود فقط بعد الاتفاق على 39 بنداً في الاتفاقية الإطارية، وهذه البنود تتعلق بالإخطار المسبق قبل قيام أي مشروعات، وتوفير الأمن المائي للدول، والتصويت على القرارات بالإجماع وليس بالغالبية.


يجب علينا انقف ضد هذا الاعتداء على حقوقنا المائية