اصحى يا مصرى فاضل اسبوع ..ثوره
بجد مافيها رجوع, ازاى قادر تغفل
لحظه و كل كلامك ......بقى ممنوع..
... صرخة أب شهيد موجوع و أم شهيد
بتموت من الجوع... نازل أموت و محدش
يبكى....... مبقاش وقت خلاص
لدموع ,ياما بكينا لشهداء نواح
فوقنا لقينا حقها راح ماتوا عشانا
ولا نسيتوا؟؟ ولا بقيتوا سداح فى مداح
,ده النفس الخارج محسوب و الغالب
أصبح مغلوب شيلتوا الريس كده و
فرحتوا ...ما المكتوب لساه
مكتوب...,مكتوب نفضل بردو
عبيد.... ظلم و قهر يزيد و يزيد و
الحجة استقرار - انتاج ؟ ..و افرحوا يلا
بعهد جديد.... مش حأسكت ..مش
حأسكت حأصرخ و أتكلم
مبقتش ..فى سجنك بأتلم حأفضل
حر وحتى فى سجنك سجانك منى
حيتعلم يتعلم يصبح إنسان
يتعلم يبقاله كيان يتعلم إزاى
يضحى بالروح عشان الأوطان..
أنا نازل مش راجع تانى و ميدانى
بيتى و عنوانى , يا حتخضع و
بثورتى ترضى يا تموتنى و بردو
مكانى.. حأثبت مش حأتزحزح ثانية لو
خرمنى رصاص الدنيا ! و حأموت و أنا
واقف مش واقع !! علشان كتفى فى
أكتاف تانيه و يابلدي يا طالبه
التغيير أنا نازل أموتلك بضمير
مش عايز دمى يضيع فيكى زى ما
ضاع و الشهدا كتير, و صوتهم أصبح
مش مسموع إصحى يا مصرى...فاضل
اسبوع .... نقيب محمد وديع
ليست هناك تعليقات:
إرسال تعليق